சட்டக் கல்லூரி பிரச்சனைகளை பேசும், கதிர், ஆனந்தி நடிப்பில் ‘பரியேறும் பெருமாள்’ டீசர்!

சென்னை: கதிர், ஆனந்தி நடிப்பில் உருவாகி வரும் பரியேறும் பெருமாள் படத்தின் டீசர் வெளியாகியுள்ளது.

பா.ரஞ்சித் தயாரிப்பு நிறுவனமான நீலம் புரொடக்‌ஷன்ஸ் வழங்கும், இயக்குநர் மாரி செல்வராஜ் இயக்கத்தில் உருவாகி வரும் திரைப்படம் ‘பரியேறும் பெருமாள்’.

மாரி செல்வராஜ் இயக்குநர் ராமிடம் உதவி இயக்குநராகப் பணியாற்றியவர். தூத்துக்குடி மாவட்ட கதைக் களத்தில், சட்டக் கல்லூரிகளில் நிகழும் பிரச்சனைகளை மையமாக வைத்து உருவாக்கப்பட்டுள்ளது.

இதில் கதிர், ஆனந்தி, யோகி பாபு உள்ளிட்டோர் நடித்துள்ளனர். சந்தோஷ் நாராயணன் இசையமைத்துள்ளார். இந்நிலையில் இப்படத்தின் டீசர் இன்று வெளியாகியுள்ளது.

கிராமத்துப் பின்னணியில் காதல், நட்பு, மோதல் ஆகியவற்றை இயக்குநர் அற்புதமாக கையாண்டுள்ளார். இந்த டீசர் ரசிகர்களிடையே பெரும் வரவேற்பை பெற்றுள்ளது.

Actor Kathir's Pariyerum Perumal teaser released.