நாடோடிகள் பட நடிகர் கே கே பி கோபாலகிருஷ்ணன் காலமானார்!

ஈரோட்டைச் சேர்ந்த நடிகர் கே கே பி கோபாலகிருஷ்ணன் இன்று காலை நெஞ்சு வலி காரணமாக உயிரிழந்தார். அவருக்கு வயது 54. ஈரோடு குப்பகவுண்டம்பாளையத்தில் உள்ள அவரது வீட்டில் இருந்தபோது திடீரென நெஞ்சு வலி ஏற்பட்டு அவர் உயிர் பிரிந்ததாக அவரது குடும்பத்தினர் தெரிவித்துள்ளனர்.

கே கே பி கோபாலகிருஷ்ணன் சசிகுமார் நடித்த நாடோடிகள், சிவகார்த்திகேயன் நடித்த வருத்தப்படாத வாலிபர் சங்கம் உள்பட பல படங்களில் நடித்தவர். சமுத்திரக்கனி இயக்கத்தில் நாடோடிகள் படத்தில் அனன்யாவின் தந்தையாக நடித்திருப்பார். அதில் தனது மகளுக்கு அரசு வேலை பார்க்கும் மாப்பிள்ளையைத் தான் கட்டி வைப்பேன் என அடம்பிடிக்கும் கதாபாத்திரம்.

தர்பார் ஜிம் சீனில் ரஜினிக்கு டூப் போட்டது இவர் தானா?:விஜய் ரசிகர்கள் குசும்பு

இந்நிலையில், நெஞ்சு வலியால் உயிரிழந்த கோபாலகிருஷ்ணன் உடலுக்கு உறவினர்கள் அஞ்சலி செலுத்தி வருகின்றனர். திரையுலகினர் பல இரங்கல் தெரிவித்து வருகின்றனர். அவரது மறைவிற்கு இயக்குனர் சமுத்திரகனி தனது டிவிட்டர் பக்கத்தில் இரங்கல் தெரிவித்துள்ளார்.

Cocktail சர்ச்சை போஸ்டர் ! சமாதனம் செய்ய படக்குழு செய்த காரியம்