அசுரன் படத்தை புகழ்ந்து தள்ளிய மகேஷ் பாபு! உற்சாகத்தில் தனுஷ் ரசிகர்கள்

நான்காவது முறையாக தனுஷ்-வெற்றிமாறன் காம்போவில் வெளியான அசுரன் படம் மாபெரும் வரவேற்பை பெற்று வருகிறது.

எழுத்தாளர் பூமணியின் வெக்கை நாவலை தழுவி அசுரன் படம் வெளியாகியுள்ளது. தாணு தயாரித்து உள்ள இதில் கதாநாயகியாகப் பச்சையம்மாள் என்ற பெயரில் மலையாள நடிகை மஞ்சுவாரியர் நடித்து உள்ளார்.

வாவ்...லண்டனில் பாகுபலி படத்திற்குக் கிடைத்த மிகப்பெரிய அங்கீகாரம்!

மேலும் ராட்சசன் பிரபலம் அபிராமி, கருணாஸ் மகன் கென், பாடகர் டீ,ஜே, பசுபதி, பிரகாஷ் ராஜ், பாலாஜி சக்திவேல் உள்ளிட்ட பலரும் நடித்து உள்ளனர்.

இந்த நிலையில் ரசிகர்களின் மிகுந்த எதிர்பார்ப்பில் வெளியான அசுரன் படம் 100 கோடி மேல் வசூல் சாதனை செய்து படைத்துள்ளதாக படக்குழு அதிகாரப்பூர்வமாக அறிவித்தது. இதையொட்டி அசுரன் படக்குழுவுக்கு அனைவரும் வாழ்த்து தெரிவித்து வருகின்றனர்.

சக கதாநாயகிகளோடு, நான் வாங்கும் சம்பளம் குறைவாகவே உள்ளது: டாப்சி

மேலும் ரசிகர்கள் மட்டுமின்றி திரைத்துறையினர் மற்றும் அரசியல் பிரமுகர்கள் என்று பலரும் அசுரன் படத்திற்கு வாழ்த்து கூறி வருகின்றனர். அந்த வரிசையில் தற்போது அசுரன் படத்தை கண்ட தெலுங்கு நடிகர் மகேஷ் பாபு ட்வீட் செய்துள்ளார்.

அதில், 'அசுரன் உண்மை மாறாத தீவிரமான படம். சிறந்த படம். படக்குழுவினருக்கு எனது வாழ்த்து' என்று குறிப்பிட்டுள்ளார்.


முன்னதாக திமுக கட்சி தலைவர் ஸ்டாலின் மற்றும் மக்கள் நீதி மய்யம் கட்சி தலைவர் கமல்ஹாசன் ஆகியோர் அசுரன் படத்துக்கு வாழ்த்துக் கூறியிருந்தது குறிப்பிடத்தக்கது.