‘மாமாங்கம்’ படப்பிடிப்பில் நடிகர் மம்முட்டிக்கு காயம்!

‘மாமாங்கம்’ படத்தின் சண்டைக் காட்சியில் நடித்த போது நடிகர் மம்முட்டிக்கு காயம் ஏற்பட்டுள்ளது.

சஜிவ் பிள்ளை இயக்கத்தில் நடிகர் மம்முட்டி ‘மாமாங்கம்’ என்ற மலையாள படத்தில் நடித்து வருகிறார். இந்தப் படம் மலையாளம் தவிர தமிழ், இந்தி தெலுங்கு, ஆங்கிலம் என நான்கு மொழிகளிலும் உருவாகி வருகிறது.

இந்த படத்தின் இடம்பெற்ற சண்டைக் காட்சிகள் மங்களூரில் படமாக்கப்பட்டு வருகிறது. சண்டைக் காட்சியில் நடிகர் மம்மூட்டி நடித்த போது அவருக்கு கையில் காயம் ஏற்பட்டது. உடனடியாக அவரை மருத்துவமனைக்கு படக்குழுவினர் அழைத்து சென்றனர். தொடர்ந்து அவருக்கு சிகிச்சை அளிக்கப்பட்டது. சிறிது நேரத்துக்கு பிறகு மீண்டும் படப்பிடிப்பு தொடங்கியது.