ட்விட்டர் ட்ரெண்டிங்கில் 'மாஸ்டர் குட்டி பவானி'!

கடந்த சில நாட்களாகவே ட்விட்டரில் 'மாஸ்டர்' என்ற ஹேஷ்டேக் தொடர்ந்து ஒரு காரணத்திற்காக ட்ரெண்டிங்கில் இருந்து வருகிறது. #Master, #MegaHitMaster, #Vijay, #VijaySethupathi #LokeshKanagaraj #MasterLeak என ஏகப்பட்ட ஹேஷ்டேக்குகள் ட்ரெண்டாகி வருவதை பார்த்தோம். பொங்கலை முன்னிட்டு விஜய் நடிப்பில் வெளியான 'மாஸ்டர்' படம் மெகாஹிட் படமாக வெற்றிநடை போடுகிறது. திரையரங்குகளில் 50 சதவிகித இருக்கைகளுக்கு மட்டுமே அனுமதி என்ற நிபந்தனைக்கு மத்தியில் படம் வெளியானாலும், தமிழக அளவில் இதுவரை 100 கோடியும் ஒட்டுமொத்தமாக 200 கோடியும் வசூல் செய்து சாதனை படைத்துள்ளது. இந்நிலையில் இன்று #HBDMasterMahendran என்ற ஹேஷ்டேக் ட்ரெண்டிங்கில் உள்ளது.

மகேந்திரன் 1994ஆம் ஆண்டு வெளியான 'நாட்டாமை' படத்தின் மூலம் சினிமாவில் அறிமுகமானார். அந்தப் படத்தில் குழந்தை நட்சத்திரமாக இவர் தனது நடிப்பை வெளிப்படுத்தி உள்ளார். முதல் படமான நாட்டாமை படத்தில் நான் பார்த்தேன் என சாட்சி கூறும் குழந்தையாக நடித்திருப்பார். இன்றும் அந்த காட்சி மற்றும் வசனங்களை வைத்து மீம்ஸ்களை உருவாக்கி வருகிறார்கள் மீம்ஸ் கிரியேட்டர்கள்.

கிறிஸ்துமஸ் விடுமுறைக்கு வெளியாகும் சிவகார்த்திகேயனின் 'அயலான்' !
இதுபோன்ற மீம்ஸ் அடிக்கடி சோசியல் மீடியாவில் பார்க்க முடிகிறது. பின்னர் தாய்க்குலமே தாய்க்குலமே, மகா பிரபு, கோயம்புத்தூர் மாப்பிள்ளை, காதலா காதலா, நட்புக்காக, படையப்பா, மின்சார கண்ணா என ஏகப்பட்ட படங்களில் குழந்தை நட்சத்திரமாக நடித்து தமிழ் மக்களின் மனதில் குழந்தை நட்சத்திரமாக நீங்கா இடம் பிடித்தவர் மகேந்திரன். பின்னர், 2013ல் 'விழா' திரைப்படத்தின் மூலம் கதாநாயகனாக நடித்துள்ளார்.

இவர் தமிழை தவிர தெலுங்கு மற்றும் மலையாளம் போன்ற மொழிகளிலும் நடித்து வருகிறார். மாஸ்டர் படத்தில் ஆரம்ப காட்சிகளில் விஜய் சேதுபதியின் சிறு வயது கதாபாத்திரத்தில் குட்டி பவானியாக நடித்திருப்பவர் தான் மகேந்திரன். இவரின் பிறந்த நாளை ரசிகர்கள் #HBDMasterMahendran என்ற ஹேஷ்டேக்கை ட்ரெண்ட் செய்து கொண்டாடி வருகின்றனர். தளபதி ரசிகர்கள் தற்போது ட்விட்டரில் ஹேஷ்டேக் உருவாக்கி டிரெண்ட் செய்து வருகின்றனர்.

மேலும், ஏகப்பட்ட விஜய் ரசிகர்கள் மற்றும் விஜய் சேதுபதி ரசிகர்கள் மகேந்திரனை வாழ்த்தி வருகின்றனர். மேலும், நடிகர் சாந்தனு தனது ட்விட்டர் பக்கத்தில் ஹேப்பி பர்த்டே மச்சான் என கூறி மாஸ்டர் மகேந்திரனின் பிறந்தநாள் காமன் டிபியை வெளியிட்டு வாழ்த்தி உள்ளார். மேலும் பலரும் வாழ்த்துக்களைத் தெரிவித்து வருகிறார்கள். மாஸ்டர் படத்தின் ரிலீசுக்கு பிறகு சமீபத்தில் பேட்டியளித்திருந்தார் மாஸ்டர் மகேந்திரன்.

சின்னத்திரையில் இன்றைய (ஜனவரி 23) திரைப்படங்கள்!
அதில் அவர் கூறியதாவது: சிறு வயதில் கிடைத்த பெயருக்கு பிறகு, நடிகராக நடிக்க மிகவும் போராடினேன். ஆனால், சரியான வாய்ப்பு கிடைக்காமல் ரொம்பவே கஷ்டப்பட்டேன். இயக்குநர் லோகேஷ் கனகராஜ் இப்படியொரு வாய்ப்பை எனக்கு கொடுத்ததற்கு நன்றி கடன்பட்டுள்ளேன் என்று உருக்கமாக அவர் பேசியிருந்தார் என்பது குறிப்பிடத்தக்கது.