எம் எஸ் பாஸ்கரின் மகள் ஐஸ்வர்யாவுக்கும், தொழிலதிபரின் மகனுக்கும் திருமண நிச்சயதார்த்தம்!

நடிகர் எம் எஸ் பாஸ்கரின் மகள் ஐஸ்வர்யாவுக்கும், தொழிலதிபர் சுதாகர் – சீனா தம்பதியின் மகன் அகுலுக்கும் திருமணம் நிச்சயதார்த்தம் சென்னையில் நடந்துள்ளது.

தமிழ் சினிமாவில் காமெடி, குணச்சித்திரம் மற்றும் வில்லன் கதாபாத்திரங்களில் நடித்து மிகவும் பிரபலமானவர் நடிகர் எம்.எஸ்.பாஸ்கர். திருமதி ஒரு வெகுமதி என்ற படத்தின் மூலம் திரைக்கு வந்தார். அதற்கு முன்னதாக நாடகங்களில் நடித்து பிரபலமாகியிருந்தார். இவரது மனைவி ஷில்பா. எம்.எஸ்.பாஸ்கருக்கு ஐஸ்வர்யா என்ற மகளும், ஆதித்யா என்ற மகனும் இருக்கின்றனர். இவர், ஏற்கனவே விஜய் சேதுபதி நடித்த 96 படத்தில் விஜய் சேதுபதியின் சிறு வயவது கதாபாத்திரத்தில் நடித்துள்ளார்.

ஐஸ்வர்யா பாஸ்கர் டப்பிங் ஆர்டிஸ்டாக தமிழ் சினிமாவில் உலா வருகிறார். இந்த நிலையில், இவருக்கும், தொழிலதிபரான சுதாகர் – சீனா தம்பதியின் மகன் அகுல் என்பவருக்கும் இடையில் திருமண நிச்சயதார்த்தம் சென்னையில் நடந்துள்ளது. இதில், நடிகர் பிரபு கலந்து கொண்டு வாழ்த்து தெரிவித்துள்ளார் என்பது குறிப்பிடத்தக்கது. திருமண நிச்சயதார்த்தத்தைத் தொடர்ந்து விரைவில் திருமணம் நடக்க இருக்கிறது.

எந்தவொரு பெண்ணுக்கும், அவரது அப்பா தான் முதல் ஹீரோ. அப்படிப்பட்ட அப்பாவிற்கு அவரது பிறந்தநாளன்று பைக் வாங்கி கொடுக்க வேண்டும் என்பதை கனவாகக் கொண்டிருந்த ஐஸ்வர்யா கடந்த பிறந்தநாளின் போது, ராயல் என்பீல்டு புல்லட் வாங்கி கொடுத்து அசத்தியிருந்தார் என்பது குறிப்பிடத்தக்கது.