40 வயது நடிகையுடன் நான்காவது திருமணமா.?: 60 வயது நடிகர் பரபரப்பு விளக்கம்.!

கன்னட திரையுலகில் முன்னணி நடிகையாக வலம் வந்தவர் பவித்ரா லோகேஷ். கன்னடத்தில் 150-க்கும் மேற்பட்ட படங்களில் நடித்துள்ள இவர் சமீபத்தில் ஆர்.ஜே.பாலாஜி இயக்கத்தில் வெளியான வீட்ல விசேஷம் போன்ற பல்வேறு படங்களில் நடித்துள்ளார். தமிழில் ராதாமோகன் இயக்கிய கவுரவம், விஷாலின் அயோக்யா, விஜய் சேதுபதி உடன் க.பெ.ரணசிங்கம் உள்ளிட்ட படங்களில் நடித்துள்ளார்.

ஏற்கனவே இரண்டு முறை திருமணமாகி விவாகரத்து பெற்ற நடிகை பவித்ரா லோகேஷ், விரைவில் மூன்றாவது திருமணம் செய்துகொள்ள உள்ளதாக தகவல் பரவி வந்தது. இவர் நடிகர் மகேஷ்பாபுவின் சகோதரரான நரேஷ் பாபுவை திருமணம் செய்துகொள்ளவுள்ளதாக கூறப்பட்டது. நரேஷ் பாபு ஏற்கனவே 3 முறை திருமணமாகி விவாகரத்து பெற்றவர்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்த வதந்தி குறித்து இருவரும் வாய் திறக்காமல் இருந்த நிலையில், நடிகர் நரேஷ் பாபு இதுகுறித்து விளக்கம் அளித்துள்ளார். அதன்படி, தனக்கும் பவித்ராவுக்கு திருமணம் நடக்க இருப்பதாக பரவி வரும் தகவல் வெறும் வதந்தி என்றும், இவற்றையெல்லாம் தனது மூன்றாவது மனைவி ரம்யா ரகுபதி தான் பரப்பி வருவதாகவும் நரேஷ் பரபரப்பு விளக்கம் அளித்துள்ளார்.

எனக்கும் பவித்ராவுக்கும் இடையே எந்த விதமான உறவும் இல்லை. நாங்க இருவரும் நல்ல நண்பர்களாகவே பழகி வருகிறோம் என கூறி வதந்திக்கு முற்றுப்புள்ளி வைத்துள்ளார் நரேஷ் பாபு. இதனிடையில் நடிகை பவித்ரா பேஸ்புக்கில் தன்னைப்பற்றி அவதூறு பரப்பப்படுவதாகவும், அவர்கள் மீது தக்க நடவடிக்கை எடுக்ககோரியும் மைசூரு சைபர் குற்றப்பிரிவு போலீசாரிடம் புகார் அளித்துள்ளார். இந்த விவகாரம் தற்போது பரபரப்பை கிளப்பியுள்ளது.

Amala Paul: மறுமணம் குறித்து மனம் திறந்த அமலா பால்: ரசிகர்கள் ஷாக்.!