Nasser: திடீரென மருத்துவமனையில் அனுமதிக்கப்பட்ட நாசர்: மனைவி கமீலா சொன்ன தகவல்.!

தமிழ் சினிமாவின் ரஜினி, கமல் துவங்கி தற்போது உள்ள விஜய், அஜித் என பல முன்னணி நடிகர்கள் படங்களில் குணச்சித்திர வேடங்களில் நடித்து கலக்கி வருபவர் நடிகர் நாசர். நடிப்புக்கு பெயர் போன நாசர் சினிமாவில் 30 வருடங்களுக்கும் மேலாக.பல கதாபாத்திரங்களில் நடித்து அசத்தியுள்ளார்.

இயக்குநர் கே.பாலச்சந்தர் இயக்கத்தில் வெளியான, 'கல்யாண அகதிகள்' என்கிற படத்தின் மூலம் தமிழ் சினிமாவில் அறிமுகமான இவர், ஹீரோ, வில்லன், குணச்சித்திரம் என எந்த கதாபாத்திரம் கொடுத்தாலும் அதில் 100% ஈடுபாட்டுடன் நடித்து பாராட்டுக்களை பெற்றவர் நாசர்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்நிலையில் தனது உடல்நிலை காரணமாக நாசர் சினிமாவிலிருந்து விலகப்போவதாக தகவல்கள் வெளியாகி ரசிகர்களை அதிர்ச்சிக்குள்ளாக்கியபோது அந்தத் தகவலை நாசர் மறுத்தார். என் மூச்சு இருக்கும் வரை நான் தொடர்ந்து நடித்துக்கொண்டேதான் இருப்பேன் என கூறி வதந்திகளுக்கு முற்றுப்புள்ளி வைத்திருந்தார்.

இந்நிலையில் தெலுங்கானா போலீஸ் அகாடமியில் நடிகை சுஹாசினி, ஹீரோயின், மெஹ்ரீன், சியாஜி ஷிண்டே ஆகியோருடன் படப்பிடிபில் இருந்தார் நாசர். அப்போது படப்பிடிப்பு தளத்தில் ஏற்பட்ட விபத்தில் சிக்கி நாசர் காயமடைந்தார். இதனையடுத்து நாசர் உடனடியாக அருகில் இருக்கும் மருத்துவமனையில் அனுமதிக்கப்பட்டார். அங்கு அவருக்கு சிகிச்சை அளிக்கப்பட்டுவருகிறது.

தொழிலதிபர் மனைவியை மிரட்டி பணம் பறித்த வழக்கு: சிக்கிய நடிகை ஜாக்குலின்.!

இந்த தகவல் திரையுலகினர் மத்தியில் அதிர்ச்சியை ஏற்படுத்தியுள்ளது. நாசர் தற்போது நலமுடன் இருப்பதாக அவரது மனைவி கமீலா தெரிவித்துள்ளார். தமிழ், தெலுங்கு, மலையாளம், ஹிந்தி என தென்னிந்திய சினிமாவில் மிக பிரபலமான நடிகர் நாசர், தற்போது இரண்டாவது முறையாக நடிகர் சங்க தேர்தலில் வெற்றி பெற்று தலைவராக பொறுப்பு வகித்து வருவது குறிப்பிடத்தக்கது.