மாஸ்க், சானிடைசருடன் லாக்டவுனில் காதலியை திருமணம் செய்த பிரபல நடிகர்

உதவி இயக்குநராக தனது சினிமா கெரியரை துவங்கிய ஹைதராபாத்தை சேர்ந்த நிகில் சித்தார்த் ஹேப்பி டேஸ் படம் மூலம் ஹீரோ ஆனார். தொடர்ந்து ஹீரோவாக நடித்து வரும் நிகில் சித்தார்த் ஆந்திர மாநிலத்தை சேர்ந்த டாக்டர் பல்லவி வர்மாவை கடந்த இரண்டு ஆண்டுகளாக காதலித்து வந்தார். அவர்களின் காதலுக்கு இரு வீட்டாரும் பச்சைக் கொடி காட்டினார்கள்.

இதையடுத்து கடந்த பிப்ரவரி மாதம் 1ம் தேதி அவர்களுக்கு நிச்சயதார்த்தம் நடந்தது. ஏப்ரல் 16ம் தேதி திருமணம் நிச்சயிக்கப்பட்டது. வெளிநாட்டில் திருமணத்தை நடத்த முடிவு செய்தார்கள். ஆனால் கொரோனா வைரஸ் பிரச்சனையால் திருமணத்தை தள்ளிப் போட்டார்கள்.

வைரஸ் பிரச்சனை முடிந்த பிறகே திருமணம் நடக்கும் என்று கூறப்பட்டது. இந்நிலையில் ஹைதராபாத்தில் உள்ள நிகிலின் பண்ணை வீட்டில் வைத்து அவரின் திருமணம் இன்று காலை 6.30 மணி அளவில் நடைபெற்றது.

திருமணத்தில் இரு வீட்டார் மட்டுமே கலந்து கொண்டு மணமக்களை வாழ்த்தினார்கள். திருமணத்தின்போது எடுக்கப்பட்ட புகைப்படங்கள் வெளியாகியுள்ளன. கொரோனா வைரஸ் பிரச்சனை எல்லாம் தீர்ந்த பிறகு ஹைதராபாத்தில் திருமண வரவேற்பை நடத்த திட்டமிட்டுள்ளார் நிகில்.

புது வாழ்க்கையை துவங்கியுள்ள நிகில் மற்றும் பல்லவிக்கு திரையுலக பிரபலங்களும், ரசிகர்களும் சமூக வலைதளங்களில் வாழ்த்து தெரிவித்துக் கொண்டிருக்கிறார்கள்.

திருமணத்திற்கு வந்தவர்களுக்கு மாஸ்க், சானிடைசர் ஆகியவை வழங்கப்பட்டுள்ளது. இப்படி மாஸ்க், சானிடைசர் கொடுத்த நிகில் மற்றும் பல்லவியை பலரும் பாராட்டியுள்ளனர். பல்லவி டாக்டரம்மாவாச்சே அதனால் தான் இப்படி ஒரு ஏற்பாடு போன்று என்கிறார்கள் நிகில் ரசிகர்கள்.

Master செட்டில் 'தளபதி' விஜய்யை பார்க்கவே முடியாது: சாந்தனு பாக்யராஜ்