ஆபத்தான நிலையில் பிரபல நடிகர் மருத்துவமனையில் அனுமதி: ரசிகர்கள் அதிர்ச்சி.!

இயக்குனர் சசி இயக்கத்தில் வெளியான பூ படத்தில் நடித்ததன் மூலம் பிரபலமானவர் ராமு. இந்தப்படத்தில் நடிகர் ஸ்ரீகாந்த்தின் தந்தையாக நடித்து முத்திரை பதித்திருந்தார். இதனால் இவரை சினிமாவில் பூ ராமு என்றே அழைத்தனர். நாடகக் கலைஞரான இருந்து சினிமாவில் நடிகராக அறிமுகமானவர் ராமு.

அண்மையில் சுதா கொங்கரா இயக்கத்தில் ஓடிடியில் வெளியாகி ரசிகர்கள் மத்தியில் மாபெரும் வரவேற்பை பெற்றது சூரரைப் போற்று படம். இந்தப்படத்தில் நடிகர் சூர்யாவுக்கு தந்தையாக நடித்திருந்தார் ராமு. ‘கர்ணன்’ படத்திலும் தனுஷின் தந்தையாக எதார்த்தமான நடிப்பை தந்திருந்தார்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

இந்நிலையில் இவருக்கு இன்று காலை திடீரென மாரடைப்பு ஏற்பட்டுள்ளது. இதையடுத்து அவரை சென்னை இராஜிவ் காந்தி அரசுப் பொது மருத்துவமனையில் சிகிச்சைக்காக அனுமதித்துள்ளனர்.

இதுகுறித்த தகவலை நடிகர் காளி வெங்கட் தனது ட்விட்டர் பக்கத்தில் பதிவிட்டுள்ளார். அதில், “விரைந்து நலம் பெற்றுவா தோழா! வீதி நாடகக் கலைஞர், திரைப்பட நடிகர், தோழர் 'பூ' ராமு மாரடைப்பு ஏற்பட்டு மிகவும் கிரிடிகல் நிலையில் சென்னை இராஜிவ் காந்தி அரசுப் பொது மருத்துவமனையில் Tower 1 ல் முதல் மாடி ICU Ward 111ல் Bed 15ல் சிகிச்சை பெற்று வருகிறார்” என குறிப்பிட்டுள்ளார்.

இந்த சாக்கடை குப்பைகளால தான் கர்ப்பம் பற்றி நான் பேசல: சின்மயி பரபரப்பு பதிவு.!

இந்த தகவல் ரசிகர்கள் மத்தியில் அதிர்ச்சியை ஏற்படுத்தியுள்ளது. பூ ராமு விரைவில் நலம்பெற்று வர வேண்டும் என ரசிகர்கள் கமெண்ட் அடித்து வருகின்றனர்.