அடடே..! நம்ம பிரபுவா இது: இணையத்தில் தீயாய் பரவும் புகைப்படம்!

மணிரத்னம் இயக்கத்தில் பிரம்மாண்டமாக உருவாகி வரும் 'பொன்னியின் செல்வன்' படத்தை இந்திய சினிமாவே எதிர்பார்த்து காத்திருக்கிறது. எழுத்தாளர் கல்கி கிருஷ்ணமூர்த்தி எழுதிய புகழ்பெற்ற நாவலான 'பொன்னியின் செல்வன்' கதை அதே பெயரில் படமாக உருவாகி வருகிறது. இந்நிலையில் இந்த படத்திற்கு நடிகர் பிரபு நம்ப முடியாத அளவிற்கு உடல் எடையை குறைத்துள்ள புகைப்படம் ஒன்று இணையத்தில் வைரலாகி வருகிறது.

விக்ரம், ஜெயம் ரவி, கார்த்தி, ஐஸ்வர்யா ராய், ஐஸ்வர்ய லட்சுமி, த்ரிஷா, பிரபு, சரத்குமார், விக்ரம் பிரபு, கிஷோர், ஜெயராம், லால், ரகுமான் உள்ளிட்ட பல மொழிகளை சேர்ந்த பிரபல நட்சத்திரங்கள் நடிக்கும் 'பொன்னியன் செல்வன்' படம் தமிழ், தெலுங்கு, மலையாளம், இந்தி உள்ளிட்ட மொழிகளில் உருவாக்கப்பட்டு வருகிறது. இந்தப்படத்தை பிரம்மாண்டமாக இரண்டு பாகங்களாக உருவாக்குகிறார் இயக்குனர் மணிரத்னம்.

மெட்ராஸ் டாக்கிஸ் நிறுவனமும், லைக்கா நிறுவனமும் இணைந்து தயாரிக்கும் இந்த படத்திற்கு இசைப்புயல் ஏ.ஆர்.ரஹ்மான் இசையமைக்கிறார். கொரோனா இரண்டாம் அலை காரணமாக நிறுத்தி வைக்கப்பட்ட 'பொன்னியின் செல்வன்' படத்தின் இறுதிக்கட்ட படப்பிடிப்பு அண்மையில் மீண்டும் துவங்கியது. இந்நிலையில் சமீபத்தில் இந்தப்படத்தின் புதிய போஸ்டர் ஒன்று வெளியானது. அதில் 'பொன்னியின் செல்வன்' படத்தின் முதல் பாகம் அடுத்த வருடம் வெளியாகும் என்று அறிவித்துள்ளனர் படக்குழுவினர்.

'பீஸ்ட்' பட வாய்ப்பை நிராகரித்த இயக்குனர் மிஷ்கின்: காரணம் இதுதான்!
இந்நிலையில் தற்போது பிரபுவுடன் நடிகர் ரகுமான் எடுத்துக் கொண்ட செல்ஃபி புகைப்படம் ஒன்று இணையத்தில் வைரலாகி வருகிறது. அதில் நம்ப முடியாத அளவிற்கு பிரபு, உடல் எடை குறைந்து காணப்படுகிறார். பொன்னியின் செல்வன் படத்தில் தன்னுடைய கேரக்டருக்காக தான் பிரபு இவ்வாறு மெனக்கெட்டு உடல் எடை குறைத்து தோற்றம் அளிப்பதாக சினிமா வட்டாரங்கள் தெரிவிக்கின்றன.

இந்த புகைப்படம் தற்போது இணையத்தில் வைரலாகி வருகிறது. பலரும் பிரபுவின் புதிய தோற்றத்திற்கு வியந்து பாராட்டு தெரிவித்து வருகின்றனர். இந்நிலையில் அண்மையில் இந்த படத்தில் யார் என்னனென்ன கதாபாத்திரங்களில் நடிக்கின்றனர் என்ற பட்டியல் ஒன்று வெளியானது. படக்குழு அதிகாரப்பூர்வமாக வெளியிடாத இந்த பட்டியலில் பிரபு அநிருத்த பிரம்மராயராக பிரபு நடிப்பதாக கூறப்பட்டிருந்தது குறிப்பிடத்தக்கது.