Prashanth Next Movie: சித்தார்த்தும் இல்லை, தனுஷும் இல்லை, தட்டிச்சென்ற பிரசாந்த் !!

இந்தியில் வெளியாகி பரபரப்பாக ஓடிய த்ரில்லர் படம் "அந்தாதுன்'. நடிகர் தியாகராஜன் இத்திரைப்படத்தின் தமிழ் உரிமையை வாங்கியிருக்கிறார். ஆயுஷ்மான் குரானா நடித்த கதாபாத்திரத்தில் தமிழில் பிரசாந்த் நடிக்கவுள்ளார்.

இந்தியாவிலும் சீனாவிலும் வெளியிடப்பட்டு, வசூலில் மகத்தான வெற்றி பெற்றதுடன், சிறந்த நடிகர், சிறந்த திரைப்படம், மற்றும் சிறந்த திரைக்கதை உள்ளிட்ட மூன்று தேசிய விருதுகளையும் வென்று சாதனை படைத்து, அனைத்து தரப்பினரின் பாராட்டையும் பெற்றிருக்கிறது இப்படம்.
Also Read : அஜித்தை பின்னுக்கு தள்ளிய பிரபாஸ் !!

இப்படத்தை ஸ்ரீராம் ராகவன் இயக்கியிருந்தார். தமிழகத்தைச் சேர்ந்த இவர் பாலிவுட்டில் வெற்றி இயக்குநராக வலம் வருகிறார்.தமிழில் அஜித் நடிப்பில் வெளி வந்த என்னை அறிந்தால் படத்துக்கு திரைக்கதை எழுதியிருந்தார்.

சமீபத்தில் அந்தாதுன் திரைப்படம் மெல்பர்னில் நடைபெற்ற ஆஸ்திரேலிய திரைப்பட விழாவில் பங்கு பெற்று, சிறந்த நடிகர், சிறந்த இயக்குனர் மற்றும் சிறந்த திரைப்படத்திற்கான விருதுகளை அள்ளி இருந்தது.

நடிகர் தியாகராஜன் ஏற்கெனவே, ஸ்ரீராம் ராகவனின் ஜானி கத்தார் திரைப்படத்தை ஜானி என்ற பெயரில் பிரஷாந்த் நாயகனாக நடிக்க ரீமேக் செய்திருப்பது குறிப்பிடத்தக்கது.

அந்தாதுன் திரைப்படம் வெற்றி பெற்ற போதே அதனை தமிழில் ரீமேக் செய்ய கடும் போட்டி இருந்தது. நடிகர் தனுஷ் மற்றும் நடிகர் சித்தார்த் ஆகியோர் இப்படத்தின் ரீமேக் உரிமையை வாங்க போட்டியிட்டனர். இவர்களில் யாராவது ஒருவர் தான் நடிப்பார்கள் எனக் கூறி வந்த நிலையில் இப்பொது இவர்களை வென்று நடிகர் பிரசாந்த் நடிக்க உள்ளார்.

தியாகராஜன்Also Read : காதலனுடன் அத்தி வரதரை தரிசனம் செய்த நயன்தாரா!

இது குறித்து தியாகராஜன் பேசுகையில், 'அந்தாதுன் கதை ஒரு பியானோ மாஸ்டரை மையமாகக் கொண்டது. நடிகர் பிரசாந்த் லண்டன் டிரினிடி இசைக் கல்லூரி மாணவர் என்பதாலும், நல்ல கைத்தேர்ந்த பியானோ கலைஞர் என்பதாலும் இந்த கதாபாத்திரம் அவருக்கு கைவந்த கலையாக இருக்கும்' என்றார்.

தமிழ் மொழியில் ரீமேக் செய்யப்படவுள்ள இப்படத்திற்கு, இன்னும் பெயர் சூட்டப்படவில்லை என்றாலும் இயக்குனர், பிற நடிகர்கள், தொழிட்நுட்ப வல்லுநர்கள் தேர்வு நடைபெற்று வருகிறது. படக்குழு முடிவானவுடன் விரைவில் படப்பிடிப்பும் துவங்கவிருக்கிறது.