Ner Konda Paarvai: அரசியல் கட்சிகளோடு வாழ்த்து கூறிய குண்டக்க மண்டக்க பார்த்திபன்!

நாளை வெளிவருகிறது தல அஜித்தின் நேர் கொண்ட பார்வை. கொண்டாட்டம் களை கட்டத் துவங்கிவிட்டது. ரசிகர்கள் அதிகாலை காட்சிக்கு தயாராகி வருகிறார்கள். அஜித்தின் நேர்கொண்ட பார்வை படம் வெளியாகவுள்ள நிலையில், சினிமா பிரபலங்கள் பலரும் வாழ்த்து தெரிவித்து வருகிறார்கள். இயக்குநர் பார்த்திபன் வித்தியாசமான முறையில் தனது வாழ்த்தை தெரிவித்துள்ளார்.

தல அஜித்குமார் நடிப்பில் சதுரங்க வேட்டை இயக்குநர் வினோத் இயக்கத்தில் உருவாகியுள்ள படம் நேர் கொண்ட பார்வை. இந்தியில் அமிதாப், டாப்ஸி நடிப்பில் வெளியாகி மிகப்பெரும் பரபரப்பை கிளப்பிய படம் “பிங்க். அந்தப்படத்தின் தமிழ் ரிமேக்காக உருவாகியுள்ள படம் தான் “நேர் கொண்ட பார்வை.

Also Read: நேர்கொண்ட பார்வை படத்தின் அஜித்தின் அதிர வைக்கும் புகைப்படங்கள்!


முழுக்க பெண்ணியப் படமாக பெண்களின் சுதந்திரத்தையும், உரிமைகளையும், இந்திய சமூகத்தில் பெண் மீதுநிலவும் பாலியல் பிரச்சனைகளையும் அழுத்தமாக பேசிய படம் தான் பிங்க். முழுக்க பெண்கள் மிக முக்கியப் பாத்திரத்தில் நடித்த இந்தப்படத்தில் அமிதாப் சிறிய நேரமே வரக்கூடிய முக்கிய பாத்திரத்தில் நடித்திருந்தார். அப்படியான ஒரு படத்தில் தமிழின் மாஸ் ஹீரோவாக இருக்கும் அஜித் நடித்திருப்பது எல்லோருக்கும் ஆச்சர்யமே!

Also Read: பெண் உரிமைக்காக போராடும் தல: 2ம் பாரதியாரே என்று அழைத்த ரசிகர்கள்!

இந்திப்படம் போல் இல்லாமல் தமிழ் படத்தின் அஜித்தின் கேரக்டர் அதிக நேரம் வரும்படி உருவாக்கப்பட்டுள்ளது. மேலும் படம் ஆக்‌ஷன் கலந்ததாக உருவாக்கப்பட்டுள்ளது. வித்யா பாலன் அஜித் ஜோடியாக நடித்துள்ளார். நேற்றைக்கே படம் சிங்கப்பூரில் ஸ்பெஷல் ஷோ திரையிடப்பட்டது. சென்னையில் பத்திரிக்கை காட்சி திரையிடப்பட்டு படத்தை பற்றி நல்ல விமர்சனங்கள் வர ஆரம்பித்துள்ளன.

பலரும் படத்தை பாராட்டி வரும் நிலையில் நடிகர் இயக்குநர் பார்த்திபன் தன் பாணியில் அஜித்திற்கும் படத்திற்கும் வாழ்த்து தெரிவித்திருக்கிறார்.

Also Read: Tamil Rockers: ஒரே நாளில் தமிழ் ராக்கர்ஸில் நேர்கொண்ட பார்வை: என்ன தெறிக்கவிடலாமா!

அவர் கூறியுள்ளதாவது.

நேரு கொண்ட பார்வை

காங்கிரஸ் கொண்ட பார்வை

Bjp கொண்ட பார்வை

காஷ்மீர் மக்கள் கொள்ளும் பார்வை-பார்வைகளின் கோணங்கள் நேர்மாறாக 'நேர் கொண்ட பார்வை' மட்டும் பெண்களுக்கான நியாயத்திற்காக!ஒரு நல்ல கருத்தை சொல்ல இப்படத்தை ஒப்புக்கொண்ட அஜீத் அவர்களை பாராட்ட அவரின் தலையாய ரசிகர்களோடு நானும்!

என அரசியல் கட்சிகளோடு சேர்த்து அஜித்திற்கு வாழ்த்து கூறியுள்ளார் என்பது குறிப்பிடத்தக்கது.