131வது குழந்தையின் உயிரை காப்பாற்ற உதவிய நடிகர் ராகவா லாரன்ஸ்!

நடிகர் ராகவா லாரன்ஸின் உதவியால் இதய அறுவை சிகிச்சை மூலம் குழந்தை உயிர் பெற்றுள்ளது.
நடிகர், நடன இயக்குநர், இயக்குநர், தயாரிப்பாளர் என்று பல அவதாரங்களை கொண்டி ராகவா லாரன்ஸ் சினிமா வேலைகளில் பிஸியாக இருந்தாலும் சமூகத்தில் கஷ்டப்படும் ஏழைகளுக்காக பல உதவிகளை செய்துவருகிறார். உதவி செய்வதற்காகவே அமைப்பினை நடத்திவரும் இவர் பல குழந்தைகளுக்கு மருத்துவ உதவிகள் செய்துள்ளார். அந்த வரிசையில் தற்போது பெண் குழந்தையின் இதய அறுவைசிகிச்சைக்கு ராகவா லாரன்ஸ் உதவி செய்துள்ளார். இதுவரை மருத்துவ உதவி செய்து பலரையும் காப்பாற்றியுள்ள லாரன்ஸ் தற்போது 131வது முறையாக குழந்தையின் அறுவை சிகிச்சைக்கு உதவி செய்துள்ளார். அறுவை சிகிச்சை வெற்றிகரமாக முடிந்ததை அடுத்து தனது டுவிட்டர் பக்கத்தில் மருத்துவர்களுக்கு நன்றி தெரிவித்துள்ளார்.
Our 131st open heart surgery was a success. Thanks to the doctors.https://t.co/NmwFMud8CW pic.twitter.com/7PhwSzwvH1 — Raghava Lawrence (@offl_Lawrence) October 23, 2016