சூப்பர்ஸ்டார்
தமிழ் சினிமாவில் சூப்பர்ஸ்டாராக வலம் வருபவர் நடிகர் ரஜினி. கமர்ஷியல் படங்களாக நடித்து மிகப்பெரிய வெற்றியை அடைந்து வயது வித்தியாசமின்றி ரசிகர்களை பெற்றிருக்கின்றார் ரஜினி. இவரின் நடிப்பில் வெளியான பெரும்பாலான திரைப்படங்கள் வெற்றி படங்களாகவே அமைந்துள்ளன. ஆனாலும் கடந்த சில ஆண்டுகளாக ரஜினி நடிப்பில் வெளியாகும் திரைப்படங்கள் எதிர்பார்த்த வெற்றியை பெறவில்லை. இருப்பினும் ரஜினிக்கு தோல்வியிலிருந்து மீண்டு வந்து வெற்றி பெறுவது புதிதல்ல என்பதால் ரசிகர்கள் அவர் மீண்டும் வெற்றிப்பாதைக்கு திரும்புவார் என எதிர்பார்த்து காத்திருக்கின்றனர்
ஜெயிலர்
ரஜினி தற்போது நெல்சன் இயக்கத்தில் ஜெயிலர் திரைப்படத்தில் நடித்து வருகின்றார். இப்படத்தை சன் பிக்சர்ஸ் நிறுவனம் தயாரிக்க அனிருத் இசையமைத்து வருகின்றார். கடந்த ஆகஸ்ட் மாதம் இப்படத்தின் படப்பிடிப்பு துவங்கப்பட்டு தொடர்ந்து விறுவிறுப்பாக நடைபெற்று வருகின்றது. இப்படத்தில் ரஜினியுடன் ரம்யா கிருஷ்ணன், யோகி பாபு, வசந்த ரவி ஆகியோர் முக்கிய கதாபாத்திரத்தில் நடித்து வருகின்றனர்.இந்நிலையில் இப்படத்தின் படப்பிடிப்பை விறுவிறுப்பாக நடத்தி முடித்துவிட்டு அடுத்தாண்டு ஏப்ரல் மாதம் படத்தை வெளியிட படக்குழு திட்டமிட்டுள்ளது
பாபா ரிலீஸ்
ரஜினி நடிப்பில் சுரேஷ் கிருஷ்ணா இயக்கத்தில் கடந்த 2002 ஆம் ஆண்டு வெளியான திரைப்படம் தான் பாபா. மிகப்பெரிய எதிர்பார்ப்பில் வெளியான இப்படத்தின் கதை, திரைக்கதையை ரஜினியே எழுதி இப்படத்தை தயாரித்தும் இருந்தார். ஆனால் ஒரு சில காரணங்களால் இப்படம் எதிர்பார்த்த வெற்றியை பெறவில்லை. என்னதான் ரசிகர்களுக்கு மிகவும் பிடித்த படமாக தற்போது பாபா திரைப்படம் இருந்தாலும் வெளியன சமயத்தில் இப்படம் தோல்வியை சந்தித்தது. இதையடுத்து தற்போது இப்படம் ரீரிலீஸ் ஆகவுள்ளது
நடிக்க மறுத்த ரகுவரன்
பாபா திரைப்படம் இந்த காலகட்டத்திற்கு ஏற்ப எடிட் செய்யப்பட்டு புதிப்பிக்கப்பட்டு வெளியாகவுள்ளது. இதற்கான வேலைகள் தற்போது தீவிரமாக நடைபெற்று வருகின்றது. தற்போது தான் எடிட் செய்யப்பட்ட காட்சிகளுக்கு ரஜினி டப்பிங் பணிகளை முடித்துள்ளார். இந்நிலையில் தற்போது இப்படத்தை பற்றி ஒரு புதிய தகவல் ஒன்று வந்துள்ளது. அதாவது பாபா திரைப்படத்தில் வில்லனாக முதலில் ரகுவரனை தான் ரஜினி நடிக்கவைக்கலாம் என இருந்தாராம். ஆனால் ரகுவரன் பாபாவின் பக்தர் என்பதாலும், படத்தில் பாபாவிற்கு எதிராக சில வசனங்கள் இருந்ததாலும் இப்படத்தில் நடிக்க மறுத்துவிட்டாராம். இந்த செய்தியை கேள்வி பட்ட ரசிகர்கள் ரகுவரன் நடித்திருந்தால் நன்றாக இருந்திருக்குமே என கருத்துக்களை தெரிவித்து வருகின்றனர் என்பது குறிப்பிடத்தக்கது