ஷங்கர் - ரஜினி கூட்டணியில் உருவாகும் ‘2.0’ படம் வெளியாவதில் குழப்பம்!

சென்னை: ரஜினிகாந்தின் 2.0 படம் வெளியாவதில் மீண்டும் குழப்பம் ஏற்பட்டுள்ளது.

ஷங்கர், ரஜினி கூட்டணியில் உருவாகி வரும் 3வது படம் ‘2.0’. இதில் அக்‌ஷய்குமார், எமி ஜாக்சன் உள்ளிட்டோர் நடித்துள்ளனர்.

இப்படத்தின் போஸ்ட் புரொடெக்‌ஷன் பணிகள் நிறைவு பெற்றுள்ளன. முதலில் கடந்த ஆண்டு தீபாவளிக்கு வெளியாகும் என்று தெரிவிக்கப்பட்டது.

ஆனால் தொழில்நுட்ப பணிகள் தாமதம் காரணமாக, கடந்த ஜனவரிக்கு தள்ளிப் போனது. பின்னர் ஏப்ரல் 27க்கு தள்ளிப் போனது.

இந்நிலையில் கிராபிக்ஸ் பணிகள் முடிவடையாததால், மீண்டும் தள்ளிப் போனது. ஆனால் வெளியாகும் தேதி அறிவிக்கப்படவில்லை.

இதற்கிடையில் ஏப்ரல் 27ல் காலா படம் வெளியாகும் என்று அறிவிக்கப்பட்டுள்ளது.

தற்போது ஆகஸ்ட் 15ல் வெளியாகலாம் என்றும், இல்லையெனில் தீபாவளி பண்டிக்கைக்கு தள்ளிப் போகும் என்று கூறப்படுகிறது. இதனால் ரசிகர்கள் மிகுந்த ஏமாற்றத்தில் உள்ளனர்.

Actor Rajinikanth 2.0 movie release is in confusion.