மீண்டும் மிரட்டலான கேரக்டரில் நடிக்கும் ராஜ்கிரண்!

இயக்குனர் ராம்பிரகாஷ் ராயப்பா இயக்கவுள்ள சயின்ஸ் பிக்ஷன் படத்தில் நடிகர் ராஜ்கிரணுக்கு மிரட்டலான ஒரு கேரக்டர் தரப்போவதாக இயக்குனர் கூறியுள்ளார்.

இயக்கனர் ராம்பிரகாஷ் ராயப்பா, தினேஷ், நகுல் இணைந்து நடித்த ‘தமிழுக்கு எண் ஒன்றை அழுத்தவும்‘ என்ற படத்தின் மூலம் இயக்குனரானார். அடுத்ததாக சிபிராஜ், ஜீவாவை வைத்து ‘போக்கிரி ராஜா’ என்ற படத்தை இயக்கினார். இந்தப் படம் வெற்றிபெறவில்லை.

தற்போது ராம்பிரகாஷ் ராயப்பா, ‘சுட்டுப் பிடிக்க உத்தரவு’ என்ற படத்தை இயக்கி வருகிறார். இந்த படத்தின் வேலைகள் இறுதிகட்டத்தை எட்டியுள்ள நிலையில் அடுத்து சயின்ஸ் பிக்ஷன் கதை ஒன்றை இயக்க இருக்கிறார் ராம்பிகாஷ். .இதில், நடிகர் ராஜ்கிரண் முக்கிய வேடத்தில் நடிக்க இருக்கிறார்.


சின்னத்திரை நடிகரான ரக்ஷனும் ஒரு முக்கிய கேரக்டரில் நடிக்கிறார். தற்போது ராஜ்கிரண், ‘சண்டக்கோழி-2’ படத்தில் நடித்து வருகிறார்.ராம்பிரகாஷ் ராயப்பா இயக்கும் சயின்ஸ்பிக்ஷன் படத்திலும் ராஜ் கிரணுக்கு மிரட்டலான கேரக்டர் உள்ளது என்று இயக்குனர் கூறியுள்ளார்.