மீண்டும் கண்ணில் பிரச்சனை; சிகிச்சைக்காக அமெரிக்க செல்லும் ராணா டகுபதி!

ஐதராபாத்: கண் சிகிச்சைக்காக நடிகர் ராணா, அமெரிக்கா செல்லவிருப்பதாக தெரியவந்துள்ளது.

தமிழ், தெலுங்கு, ஹிந்தியில் பிஸியாக இருக்கும் நடிகர் ராணா டகுபதி. இவர் பாகுபலி படத்தில் ஏற்று நடித்த, பல்வாள் தேவன் கதாபாத்திரம், ரசிகர்கள் மத்தியில் பெரும் வரவேற்பை பெற்றது. இவருக்கு சிறு வயது முதலே வலது கண்ணில் பார்வையில்லை.

இடது கண்ணால் மட்டுமே பார்த்து வந்துள்ளார். இதற்கிடையில் கண் தானம் மூலமாக, 10 ஆண்டுகளுக்கு முன்பு, வலது கண்ணில் பார்வை பெற்றார். இந்நிலையில் மீண்டும் அந்த கண்ணில் பிரச்சனை ஏற்பட்டுள்ளது.

இதற்காக சிகிச்சை பெற, ராணா அமெரிக்கா செல்லவிருப்பதாக தகவல்கள் வெளியாகின. அங்கு அவருக்கு அறுவை சிகிச்சை நடத்தப்படலாம் என்று கூறப்படுகிறது. ஆனால் உயர் ரத்த அழுத்தம் காரணமாக, சிகிச்சைக்காக காத்துக் கொண்டிருக்க வேண்டும் என்று மருத்துவக் குழு தெரிவித்துள்ளது.

இதன் பின்னர் நீண்ட ஓய்வெடுத்து, மீண்டும் படப்பிடிப்புகளில் கலந்து கொள்வார் என்று எதிர்பார்க்கப்படுகிறது.

Actor Rana Daggubati will go to US for eye treatment.