Santhanam: மகளுடன் டப்மாஷ் பண்ணும் சந்தானம்: வைரலாகும் வீடியோ?

காமெடி நடிகர் சந்தானம் மற்றும் அவரது மகளுடன் டப்மாஷ் செய்யும் வீடியோ ஒன்று சமூக வலைதளங்களில் வைரலாகி வருகிறது.

லொள்ளூ சபா என்ற நிகழ்ச்சியின் மூலம் தனியார் நிகழ்ச்சியின் மூலம் ரசிகர்கள் மத்தியில் அறிமுகமானவர் நடிகர் சந்தானம். இதையடுத்து, சந்தானத்தை தனது மன்மதன் படத்தின் மூலம் சிம்பு வெள்ளித்திரையில் அறிமுகம் செய்தார். இப்படத்தைத் தொடர்ந்து சச்சின், பொல்லாதவன், பாஸ் என்கிற பாஸ்கரன் உள்ளிட்ட பல படங்களில் நகைச்சுவை நடிகராக நடித்துள்ளார். கண்ணா லட்டு தின்ன ஆசையா என்ற படத்தின் மூலம் ஹீரோவாக அறிமுகமானார். தற்போது வரை தொடர்ந்து ஹீரோவாகவே நடித்து வருகிறார். ஆனால், இதுவரை குடும்பம் பற்றி எந்த புகைப்படமும் வெளியாகவில்லை.

அப்படியிருக்கும் போது, சந்தானம் மற்றும் அவரது மகள் ஆகிய இருவரும் இணைந்து டப்மாஷ் செய்யும் வீடியோ ஒன்று சமூக வலைதளங்களில் வைரலாகி வருகிறது. இதில், பெரும்பாலும், சந்தானம் நடித்த படங்களின் காமெடிக்கு டப்மாஷ் செய்வது போன்று வீடியோ அமைந்துள்ளது என்பது குறிப்பிடத்தக்கது.