ரகசியக் கல்யாணம் செய்துகொண்டாரா நடிகர் சதீஷ்?

ஒளிப்பதிவாளர் பி.ஜி.முத்தையா நடிகர் சதீஷ் திருமணக் கோலத்தில் இருக்கும் புகைப்படம் ஒன்றை ட்விட்டரில் பதிவிட்டார். அதில் சதீஷ் ஒரு பெண்ணுக்கு தாலி கட்டுவது போன்ற காட்சி உள்ளது.

இதைப் பார்த்த நெட்டிசன்கள் நடிகர் சதீஷுக்கு திருமணம் முடிந்துவிட்டது. அவர் யாருக்கும் தெரியாமல் ரகசியமாக கல்யாணம் செய்துகொண்டிருக்கிறார் என சமூக வலைதளங்களில் பதிவிடத் தொடங்கினர்.

இது பற்றி அறிந்த நடிகர் சதீஷ் இந்த வதந்திக்கு முற்றுப்புள்ளி வைத்துள்ளார். ட்விட்டரில் இந்தப் படத்தைப் பகிர்ந்த ஒரு பதிவை ரீட்வீட் செய்து, “ஐயய்யோ! ஷுட்டிங்ல எடுத்த படம் ப்ரோ அது. வால்மேட் எண்டர்டேயின்மெண்ட் தயாரிக்கும் வைபவ்வுடன் படத்தில்” என்று பதிவிட்டுள்ளார்.
இயக்குநர் சாச்சி வைபவ் நாயகனாக இயக்கி நடிக்கும் புதிய படத்தில் நடிகர் சதீஷ் நடித்து வருகிறார். இந்தப் படத்தை வால்மேட் எண்டர்டெயின்மெண்ட் நிறுவனம் சார்பில் கே.தினேஷ் கண்ணன் மற்றும் கே.ஸ்ரீதர் இணைந்து தயாரிக்கின்றனர். அருண்ராஜ் இசைய அமைக்கிறார். இந்தப் படத்துக்கு பி.ஜி.முத்தையா ஒளிப்பதிவு செய்கிறார்.

இன்னும் தலைப்பு முடிவு செய்யப்படாத இப்படத்தின் படப்பிடிப்பு நடைபெற்று வருகிறது.