நடிப்பதற்கு கண்டிஷன் போடும் காமெடி நடிகர் சதீஷ்

சிவகார்த்திகேயன், விஜய் உள்பட மாஸ் ஹீரோக்களின் படங்களில் காமெடியனாக நடித்து மிகவும் பிரபலமானவர் நடிகர் சதீஷ். எதிர்நீச்சல், மான்கராத்தே, கத்தி, ஆம்பள, தேவி, ரெமோ உள்பட படங்களில் காமெடியில் கலக்கியிருப்பார். தற்போது விஜய்யின் பைரவா, லாரன்சின் மொட்ட சிவா கெட்ட சிவா உள்பட பல படங்களில் நடித்து வருகிறார்.

ஆரம்ப கட்டத்தில் வளர்ந்து வரும் ஹீரோக்களுடன் நடித்த சதீஷ், தற்போது மாஸ், முன்னணி ஹீரோக்களின் படங்களுக்கு அதிக முன்னுரிமை கொடுக்கிறார். இதன் காரணமாக புதுமுக நடிகர்களின் படங்களுக்கு உடனடியாக வாய்ப்பு கொடுப்பதில்லை.

முதலில் முன்னணி ஹீரோக்களின் படங்களுக்கு எத்தனை நாட்கள் கால்ஷீட் தேவைப்படுகிறது என்பதை தெரிந்து கொண்டு அதன் பிறகு புதுமுக நடிகர்களின் படங்களுக்கு வாய்ப்பு கொடுக்கிறார். மேலும், உங்கள் படத்தில் நடித்துக்கொண்டிருக்கும் போது மாஸ் ஹீரோக்களின் படங்களில் வாய்ப்பு வந்தால் உடனடியாக நான் சென்று விடுவேன். அதனை முடித்த பிறகு தான் உங்கள் படத்தில் நடிக்க முடியும் என்று கண்டிஷன் போடுகிறார்.