எது பேசினாலும் தப்பாகுது: அஜித்தை பாராட்ட போய் சர்ச்சையில் சிக்கிய நடிகர் சாந்தனு!

ஹெச் வினோத் இயக்கத்தில் அஜித்குமார் நடித்துள்ள வலிமை திரைப்படத்தின் படப்பிடிப்பு இரண்டு ஆண்டுகளுக்கு முன்பாகவே ஆரம்பித்து விட்டது. போனி கபூர் தயாரிக்கும் இந்த படத்தின் தலைப்பை தவிர வேற எந்த தகவலும் இல்லாததால் அஜித் ரசிகர்கள் தொடர்ச்சியாக அப்டேட் கேட்டு வந்தனர். இந்நிலையில் ஒரு வழியாக கடந்த சில தினங்களுக்கு முன்பாக வலிமை திரைப்படத்தின் மோஷன் போஸ்டரை வெளியிட்டனர் படக்குழுவினர்.

வலிமை திரைப்படத்தின் மோஷன் போஸ்டர் 10 மில்லியன் பார்வையாளர்களை பெற்றதை அடுத்து தயாரிப்பாளர் போனி கபூர் மீண்டும் ஒரு புதிய போஸ்டரை வெளியிட்டுள்ளார். அதில் அஜித்தின் அட்டகாசமான தோற்றம் இடம்பெற்றுள்ளது. இந்த போஸ்டர்களை ரசிகர்கள் மட்டுமல்லாமல் பல திரையுலக பிரபலங்களும் பாராட்டி வருகின்றனர். அந்த வகையில் நடிகர் சாந்தனு தெரிவித்த வாழ்த்தும், அவருக்கு தற்போது சிக்கலை ஏற்படுத்தியுள்ளது.

அதாவது அஜித்தின் புதிய லுக்கை சாந்தனு தனது ட்விட்டர் பக்கத்தில் பகிர்ந்து, "தல இந்தப் புகைப்படத்தில் சூப்பர் ஸ்மார்ட்டாக இருக்கிறார்" என்று பதிவிட்டார். தீவிரமான விஜய் ரசிகரான சாந்தனு ட்விட்க்கு அஜித் ரசிகர்கள் பலரும் நெகட்டிவ் கமெண்ட் செய்ய ஆரம்பித்தனர். மேலும் ஒருசிலர் அவரை கடுமையான வார்த்தைகளால் திட்டவும் செய்தனர். இதனால் வருத்தமடைந்த சாந்தனு, இந்த சம்பவம் குறித்து தனது ட்விட்டர் பக்கத்தில் பதிவு ஒன்றை பகிர்ந்துள்ளார்.

'டான்' திரைப்படத்தின் படப்பிடிப்பிற்கு தயாராகும் சிவகார்த்திகேயன்: விரைவில் அறிவிப்பு!
அதில், ‘ட்விட்டரில் எது பேசினாலும் தப்பாகுது. நல்லவிதமா சொன்னாலும் வேறு மாதிரி மக்கள் அர்த்தம் எடுத்து கொள்கிறார்கள். ஒரு நல்ல விஷயம் சொல்வதாக இருந்தாலும் அதை யோசித்து யோசித்து தான் சொல்லணும் போல, சமூக வலைதளம் மிகவும் ஆபத்தாக இருக்கிறது. என்ன இருந்தாலும் நான் தல அஜித்தின் லுக்கை ரசித்தேன், அதனால்தான் அந்த ட்வீட்டை பதிவு செய்தேன்' என்று பதிவிட்டுள்ளார்.