பாலிவுட் நடிகைக்கு ஆதரவாக சித்தார்த்!

சாய்ரா வாஸிம் காஷ்மீரைச் சேர்ந்தவரான இவர் பாலிவுட்டில் அமீர்கான் நடிப்பில் வெளியான் தங்கல் படம் மூலம் அறிமுகமானார். இப்படம் இந்தியா முழுதும் மிகப்பெரும் வரவேற்பை பெற்றது. உலகம் முழுதும் மிகப்பெரும் வசூலைக் குவித்த இந்தியப்படம்எனும் பெருமையை இப்படம் பெற்றது. இப்படத்தில் சாய்ரா வாஸிம் நடிப்பு வெகுவாக பாராட்டு பெற்றது. இப்படத்தை தொடர்ந்து சீக்ரெட் சூப்பர்ஸ்டார் படத்திலும் நல்ல நடிப்பை வழங்கியிருந்தார்.

இந்நிலையில் கடந்த சில நாட்களுக்கு முன் தான் மொத்தமாக நடிப்புக்கு முழுக்கு போடுவதாக அறிவித்து அதிர்ச்சி தந்தார் சாய்ரா வாஸிம். சமீப காலமாக தான் மன அழுத்ததில் இருப்பதாக தெரிவித்து வந்த அவர், தனது நம்பிக்கைகளிலும் மதத்திலும் தலையீடுகள் ஏற்படுவதால் தனது வேலை முறைகளில் தனக்கு மகிழ்ச்சி இல்லை, என சொல்லி வந்தார்.இந்த நிலையில் தான் சில நாட்கள் முன்சினிமாதுறையை குறிப்பிட்டு "நான் இங்கே சரியாக பொருந்தினாலும் நான் இந்த இடத்தை சார்ந்தவர் இல்லை. அதானல் முழுமையாக நான் சினிமாவிலிருந்து விலகுகிறேன் என அறிவித்தார். இது பாலிவுட்டில் பரபரப்பை கிளப்பியது. பல நடிகர்கள் சாய்ரா பாலிவுட்டை விட்டு விலக்ககூடாது எனக்கூறினர்.

காஷ்மீர் அரசியல் தலைவர்கள் சாய்ராவின் இந்த முடிவுக்கு ஆதரவு தெரிவித்துள்ளார்கள். ஆனால் தமிழ் நடிகர் சித்தார்த் சாய்ராவின் இம்முடிவுக்கு கடும் எதிர்ப்பை பதிவு செய்துள்ளார். சித்தார்த் தனது டீவிட்டில் கூறியுள்ளதாவது. இது உனது வாழ்க்கை. நீ விருப்பப்படுவதை செய். உனது சிறப்பான எதிர்காலத்திற்கு எனது வாழ்த்துக்களை தெரிவித்து கொள்கிறேன். நமது கலையும், வேலையும் தான் நமது வாழ்க்கை என நான் நம்புகிறேன். மததத்தை எப்போதும் இதில் கலக்க விடாமல் நாம் போராட வேண்டும்.உன் மதம் இதைச் செய்யத் தூண்டினால் ஒத்துக்கொள்கிறேன். நீ இந்த இடத்தைச் சார்ந்தவள் அல்லாமல் இருக்கலாம். நல் வாழ்த்துக்கள் என்று தெரிவித்துள்ளார்