Silambarasan: சிம்பு போடும் மாஸ்டர் பிளான்..வெந்து தணிந்தது காடு படத்திற்காக இணைந்த பிரபலங்கள்..!

தமிழ் சினிமாவில் குழந்தை நட்சத்திரமாக அறிமுகமாகி தன் அசாத்திய நடிப்பு திறனை வெளிப்படுத்தியவர் நடிகர் சிம்பு. ஹீரோவாக அறிமுகமாகும் முன்பே குழந்தை நட்சத்திரமாக ரசிகர்களிடம் பிரபலமடைந்தார் சிம்பு.
இதைத்தொடர்ந்து அவரது தந்தை டி.ராஜேந்தர் இயக்கத்தில் வெளியான காதல் அழிவதில்லை என்ற படத்தின் மூலம் நாயகனாக அறிமுகமானார். அதைத்தொடர்ந்து மன்மதன், வல்லவன் போன்ற மெகாஹிட் படங்களை கொடுத்து தமிழ் சினிமாவில் தனக்கென தனி பாணியை உருவாக்கினார் சிம்பு.

அந்த ஒரு விஷயத்தால் என் ஆசை நிறைவேறாமல் போனது : விக்ரம்

இந்நிலையில் சிம்பு நடிப்பில் கடைசியாக வெளியான மாநாடு திரைப்படம் மாபெரும் வெற்றிபெற்றதை அடுத்து தற்போது கௌதம் மேனன் இயக்கத்தில் வெந்து தணிந்தது காடு படத்தில் நடித்து முடித்துள்ளார். வேல்ஸ் பிலிம்ஸ் தயாரிப்பில் உருவாகிவரும் இப்படம் செப்டம்பர் மாதம் 15 ஆம் தேதி வெளியாகவுள்ளது.


அண்மை செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

ஏ.ஆர் ரஹ்மான் இசையில் வெளியான பாடல்கள் மற்றும் இப்படத்தின் டீசர் இரண்டும் படத்தின் மீதான எதிர்பார்ப்பை அதிகரித்துள்ளது. இந்நிலையில் அடுத்த மாதம் வெளியாகவுள்ள இப்படத்திற்கு மிக விரைவில் இசை வெளியீட்டு விழா நடக்கப்போவதாக பேசப்பட்டு வருகின்றது.

அதாவது செப்டம்பர் 2 ஆம் தேதி இப்படத்தின் இசை வெளியீட்டு விழா மிகப்பிரமாண்டமாக நடைபெறவுள்ளதாம். மேலும் இந்த இசை வெளியீட்டு விழாவிற்கு கமல்ஹாசன் மற்றும் ரஜினிகாந்த் வருகை தரவுள்ளதாகவும் பேசப்பட்டு வருகின்றது.

அவ்வாறு சிம்புவின் வெந்து தணிந்தது காடு படத்தின் இசை வெளியீட்டு விழாவிற்கு கமல் மற்றும் ரஜினி வரும் பட்சத்தில் இவ்விழா அடுத்தகட்டத்துக்கு செல்லும் என்பதில் எந்த மாற்றுக்கருத்தும் இல்லை. இருப்பினும் இதுவரை வெந்து தணிந்தது காடு படத்தின் இசை வெளியீட்டு விழா பற்றி எந்த ஒரு அதிகாரபூர்வ அறிவிப்பும் வெளியாகவில்லை என்பது குறிப்பிடத்தக்கது.