கன்னட ரீமேக்கில் நடிக்கவுள்ள சிம்பு!

சமீபத்தில் சிம்பு நடிப்பில் வெளியான படம் ‘வந்தா ராஜாவாதான் வருவேன்’. இந்தப் படம் தெலுங்கில் வெளியாகி வெற்றி பெற்ற ஒரு படத்தின் ரீமேக்காகும். இந்தப் படம் தமிழில் மிகப்பெரிய தோல்வியை அடைந்தது. இந்தப் படத்தை தமிழில் சுந்தர் சி. இயக்கியிருந்தார். இந்நிலையில் கன்னடத்தில் பெரும் வரவேற்பு பெற்ற ‘முஃப்தி’ படத்தின் தமிழ் ரீமேக்கில் சிம்புவை நடிக்க வைக்க பேச்சுவார்த்தை நடைபெற்று வருகிறது.

இந்தப் படத்தில் ஸ்ரீமுரளி நடித்த கதாபாத்திரத்தில் சிம்புவை நடிக்க வைக்க முயற்சி செய்து வருகிறார்கள். ஸ்டூடியோ க்ரீன் நிறுவனம் தயாரிக்கவுள்ளது. ‘முஃப்தி’ கன்னட படத்தை இயக்கிய நரதனே தமிழ் ரீமேக்கையும் இயக்கவுள்ளார். இதில் புனித் ராஜ்குமார் நடித்த கதாபாத்திரத்துக்கு முன்னணி நடிகர்களிடம் பேச்சுவார்த்தை நடத்த திட்டமிட்டுள்ளது ஸ்டூடியோ க்ரீன் நிறுவனம்.

தற்போது நடிகர் சிம்பு, வெங்கட்பிரபு இயக்கத்தில் மாநாடு’ என்ற படத்தில் நடிக்க தயாராகி வருகிறார். இந்தப்படத்தை சுரேஷ் காமாட்சி தயாரிக்கவுள்ளார். இப்படத்துக்கு இடையே நடிகர் சிம்பு, ஹன்சிகாவின் 50-வது படமான ‘மஹா’வில் கெஸ்ட் ரோலில் நடிக்கவும் சம்மதம் தெரிவித்துள்ளார்.