இன்னும் பல பிளாக்பஸ்டர் கொடுக்கணும்: தளபதி 65 பட இயக்குனரை வாழ்த்திய சிவகார்த்திகேயன்!

மாஸ்டர் திரைப்படத்தின் வெற்றியை தொடர்ந்து விஜய்யின் அடுத்த படத்தை இயக்குவதில் பல இயக்குனர் பெயர்கள் செய்திகளில் அடிபட்டாலும், நடிகர் விஜய் டிக் அடித்தது இயக்குனர் நெல்சன் திலீப்குமாரை. வளரும் இளம் இயக்குனரான இவரது இயக்கத்தில் தளபதி 65 திரைப்படம் உருவாகி வருகிறது. இந்நிலையில் இன்றைய தினம் தன்னுடைய பிறந்தநாளை கொண்டாடி வரும் இயக்குனர் நெல்சன் தீலிப்குமாருக்கு திரையுலக பிரபலங்களும், ரசிகர்களும் வாழ்த்து தெரிவித்து வருகின்றனர்.

தொலைக்காட்சி சேனலில் ஸ்க்ரிப்ட் ரைட்டராக தன்னுடைய பயணத்தை தொடங்கியவர் இயக்குநர் நெல்சன் திலீப்குமார். இவரது இயக்கத்தில் கடந்த 2018ஆம் ஆண்டு கோலமாவு கோகிலா திரைப்படம் வெளியானது. நயன்தாரா நடிப்பில் வெளியான இந்த திரைப்படம் விமர்சனம் மற்றும் வசூல்ரீதியாக ரசிகர்களிடம் நல்ல வரவேற்பை பெற்றது.

அதனை தொடர்ந்து சிவகார்த்திகேயன் நடிப்பில் டாக்டர் திரைப்படத்தை இயக்கி முடித்துள்ளார் நெல்சன் திலீப்குமார். கடந்த ஏப்ரல் மாதமே ரிலீஸ் ஆக வேண்டிய இந்தப்படம் தேர்தல் மற்றும் கொரோனா பரவல் காரணமாக தள்ளி வைக்கப்பட்டது. இந்நிலையில் டாக்டர் திரைப்படத்தை தொடர்ந்து விஜய் நடிப்பில் தனது அடுத்த படத்தை இயக்க ஆயத்தமானார் நெல்சன்.

இதுக்கு மேல பொறுக்க முடியாது குருநாதா: வலிமை அப்டேட் கேட்கும் திமுக பிரமுகர்!
சன் பிக்ஸ்ர்ஸ் தயாரிக்கும் இந்த படத்தின் முதற்கட்ட படப்பிடிப்பு ஜார்ஜியாவில் நடைபெற்றது. தற்போது கொரோனா பரவல் குறைந்து வருவதால் தளபதி 65 திரைப்படத்தின் படப்பிடிப்பு விரைவில் துவங்கும் என எதிர்பார்க்கப்படுகிறது. இந்த படத்தில் பூஜா ஹெக்டே, அபர்ணா தாஸ், யோகி பாபு உள்ளிட்ட பலர் நடிக்கின்றனர். இந்நிலையில் இன்று பிறந்தநாள் கொண்டாடும் இயக்குனர் நெல்சன் தீலிப்குமாருக்கு பலரும் வாழ்த்து தெரிவித்து வருகின்றனர்.


அந்த வகையில் நடிகர் சிவகார்த்திகேயன் தனது ட்விட்டர் பக்கத்தில் நெல்சன் திலீப்குமார் கேக் வெட்டும் புகைப்படத்தை பகிர்ந்து தன்னுடைய வாழ்த்துக்களை தெரிவித்துள்ளார். அதில், பிறந்தநாள் வாழ்த்துகள் நெல்சன் அண்ணா.. ஆஹா.. நீங்க கேக் வெட்ட உங்க மகன் கை தட்ட அருமை ணே.. இதேபோல பல வருடங்கள் ஹேப்பியா இருந்து பல பிளாக்பஸ்டர்ஸ் கொடுக்கணும் என குறிப்பிட்டுள்ளார்.