நக்கல் மன்னனை நேரில் சந்தித்த சிவகார்த்திகேயன்: இணையத்தில் தீயாய் பரவும் புகைப்படம்!

சிவகார்த்திகேயன் நடிப்பில் டாக்டர், அயலான் உள்ளிட்ட திரைப்படங்கள் உருவாகி வெளியீட்டிற்காக காத்து கொண்டிருக்கின்றன. இதில் டாக்டர் படம் ஓடிடியில் ரிலீஸ் ஆக உள்ளதாக செய்திகள் வெளியாகியுள்ளன. இந்நிலையில் காமெடி மன்னன் நடிகர் கவுண்டமணியை சிவகார்த்திகேயன் நேரில் சந்தித்து எடுத்துக்கொண்ட புகைப்படம் இணையத்தில் வெளியாகி வைரலாகி வருகிறது.

தமிழ் சினிமாவின் தனக்கென்று ஒரு ரசிகர் கூட்டத்தை வைத்து இன்றளவும் தமிழ் சினிமா ரசிகர்களின் பேவரைட் நகைச்சுவை நடிகர் பட்டியலில் இருப்பவர் கவுண்டமணி. சக காமெடி நடிகர்களிலிருந்து கதாநாயகர்கள் வரை அனைவரையும் கலாய்த்து நக்கல் செய்வது கவுண்டமணியின் பாணி. இவர் நடிப்பில் கடைசியாக வெளிவந்த படம் வாய்மை. 2016-ம் ஆண்டு வெளியான இப்படத்துக்கு பின்னர் வேற படங்கள் எதிலும் கவுண்டமணி நடிக்கவில்லை.

இந்நிலையில் நடிகர் சிவகார்த்திகேயன், நகைச்சுவை நடிகர் கவுண்டமணியை அவரது இல்லத்தில் சந்தித்து புகைப்படம் எடுத்துக்கொண்டுள்ளார். அந்த புகைப்படத்தை தன் சமூக வலைதள பக்கத்தில் பகிர்ந்துள்ள சிவகார்த்திகேயன், “இது மகிழ்ச்சியான, சிறப்பான தருணம், இந்த நாள் என்றென்றும் நினைவில் இருக்கும்” என்று குறிப்பிட்டுள்ளார். இந்த புகைப்படம் தற்போது இணையத்தில் வைரலாகி வருகிறது.

ஜிவி பிரகாஷ் படப்பிடிப்பு தளத்திற்கு வருகை தந்த விஜய் சேதுபதி: பேவரைட் இயக்குனருடன் சந்திப்பு!
சிவகார்த்திகேயன் நடிப்பில் அடுத்ததாக டாக்டர் படம் வெளியாக உள்ளது. நெல்சன் தீலிப்குமார் இயக்கியுள்ள இந்தப்படம் நேரடியாக ஓடிடியில் ரீலிசாக உள்ளதாக தகவல்கள் வெளியாகியுள்ளன. அதே போல் 'இன்று நேற்று நாளை' திரைப்பட இயக்குனர் ரவிக்குமார் இயக்கத்தில் சிவகார்த்திகேயன் நடித்துள்ள 'அயலான்' படமும் வெளியீட்டிற்காக காத்து கொண்டிருக்கிறது.


சிவகார்த்திகேயன் தற்போது டான் படத்தில் நடித்து வருகிறார். இந்தப்படத்தை அட்லீயிடம் உதவி இயக்குனராக பணியாற்றிய சிபிச்சக்கரவர்த்தி இயக்குகிறார். இந்த படத்தில் சிவகார்த்திகேயன் மற்றும் சூரி ஆகிய இருவரும் கல்லூரி மாணவர்களாக நடிக்கின்றனர். பிரியங்கா அருள்மோகன் நாயகியாக நடிக்கும் இந்த படத்தில் புகழ், ஷிவாங்கி, எஸ்.ஜே.சூர்யா, காளி வெங்கட் உள்பட பலர் நடிக்கின்றனர். அனிருத் இசையமைக்கும் இந்த படத்தை லைக்கா நிறுவனத்துடன் இணைந்து சிவகார்த்திகேயன் புரோடக்சன்ஸ் தயாரித்து வருவது குறிப்பிடத்தக்கது.