தமிழ் சினிமாவின் முன்னணி காமெடி நடிகராக இருப்பவர் நடிகர் சூரி. இவர் தற்போது முத்தையா இயக்கத்தில் உருவாகியுள்ள 'விருமன்' படத்தில் நடித்து முடித்துள்ளார். கார்த்தி, அதிதி ஷங்கர் நடிப்பில் உருவாகியுள்ள இந்தப்படம் நாளை வெளியாகவுள்ளது.
அண்மையில் 'விருமன்' படத்தின் ஆடியோ லாஞ்ச் நடைப்பெற்றது. அதில் பேசிய சூரி, விருமன் படத்தில் நடிக்க வாய்ப்பு கிடைத்தது மகிழ்ச்சி என்றார். பின்னர் சூர்யாவைப் பாராட்டும்போது, ஆயிரம் கோயில் கட்டுவதைவிட ஏழை ஒருவரை படிக்க வைப்பது மேலானது என்று கூறினார். அவரின் இந்தக் கருத்து சமூக வலைதளங்களில் சர்ச்சைகளை கிளப்பியது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
பின்னர் இதற்கு விளக்கமளித்த சூரி, “நான் கோயில்களுக்கு எதிரானவன் அல்ல. நான் தீவிர மதுரை மீனாட்சி அம்மன் பக்தன். நான் கூறிய கருத்து தவறாக புரிந்து கொள்ளப்பட்டது. யார் மனதையும் புண்படுத்துவதற்காக இதை சொல்லவில்லை” என்று தெரிவித்தார்.
சமந்தாவை நேரில் பார்த்தால்: மாஜி மனைவி பற்றி ஷாக்கிங் பதில் சொன்ன நாக சைதன்யா.!
சூரியின் சொந்த ஊரான மதுரை மாவட்டம் ராசாக்கூரில் நடைபெற்ற கோவில் திருவிழாவில், நடிகர் சூரி பொதுமக்களுடன் இணைந்து ஊர் பெரியவர்கள் இளைஞர்களுடன் ஒயிலாட்டம் ஆடியுள்ளார். தற்போது இந்த வீடியோவை அவரது சொந்த ஊர் காரர்கள் மற்றும் அவரது நண்பர்கள் சமூக வலைதளங்களில் வெளியிட அது தற்போது இணையத்தில் வைரலாகி பரவி வருகிறது.