கமல் கூட்டணியில் இருந்து பிரிந்து ரஜினியுடன் இணைந்த பிரபல நடிகர்!

தொடர்ந்து கமல் ஹாசன் நடித்த படங்களில் அவருடன் இணைந்து பல படங்களில் நடித்து வந்த நடிகர் ஸ்ரீமன் தற்போது முதல் முறையாக ரஜினிகாந்த் உடன் இணைந்துள்ளார்.

தயாரிப்பாளர் பிரகாஷ் ரெட்டியின் மகன் குமாரவதா ஸ்ரீனிவாசா. ஸ்ரீமன் என்று படங்களில் அறிமுகமாகி நடித்து வருகிறார். சேது, தவசி, பஞ்சதந்திரம், ஆயுத எழுத்து, போக்கிரி, ஏகன், முனி 2: காஞ்சனா, காஞ்சனா 2, காஞ்சனா 3 ஆகிய படங்கள் இவரது நடிப்பில் வந்த முக்கிய படங்கள் என்று சொல்லலாம். தமிழ் மற்றும் தெலுங்கு மொழிகளில் பல படங்களில் நடித்துள்ளார். படங்களைத் தொடர்ந்து அண்ணி என்ற தொடரிலும், காமெடி ஜங்கசன் என்ற காமெடி ஷோவிலும் பங்கேற்றுள்ளார்.



தொடர்ந்து 2 தெலுங்கு படங்களில் நடித்த ஸ்ரீமன்-க்கு விக்ரம் நடிப்பில் வந்த புதிய மனிதர்கள் நல்ல வரவேற்பு கொடுத்தது. இவர், குணச்சித்திர வேடம், காமெடி, வில்லன் என்று பல அவதாரம் எடுத்துள்ளார். கமல் ஹாசன் கூட்டணியில் பல படங்களில் நடித்துள்ள ஸ்ரீமன் முதல் முறையாக ரஜினிகாந்த் உடன் இணைந்துள்ளார்.

இயக்குனர் ஏ.ஆர்.முருகதாஸ் இயக்கத்தில், ரஜினிகாந்த், நயன்தாரா, யோகி பாபு, நிவேதா தாமஸ் ஆகியோர் பலர் நடிப்பில் உருவாகி வரும் படம் தர்பார். முதல் கட்ட படப்பிடிப்பைத் தொடர்ந்து 2ஆவது கட்ட படப்பிடிப்பு நடந்து வருவதாக கூறப்படுகிறது. தொடர்ந்து இப்படத்தின் படப்பிடிப்பு புகைப்படங்கள் மற்றும் வீடியோக்கள் இணையதளத்தில் வெளியாகி வந்தது. அண்மையில் கூட ரஜினிகாந்த் போலீஸ் வாகனத்தில் இருந்து இறங்கி செல்லும் வீடியோ ஒன்று வெளியாகி வைரலாகி வருகிறது.

இந்த நிலையில், நடிகர் ஸ்ரீமன் முதன் முறையாக தர்பார் படத்தின் மூலம் ரஜினிகாந்துடன் இணைந்து நடிக்க உள்ளார். விரைவில், இப்படத்தின் படப்பிடிப்பில் கலந்து கொள்வார் என்று எதிர்பார்க்கப்படுகிறது. இதற்கு முன்னதாக, ரஜினியை சந்தித்து வாழ்த்து பெற்றுள்ளார் என்று கூறப்படுகிறது.