லோகேஷ் கனகராஜிற்காக சூப்பர் ஹீரோ அவதாரம் எடுக்கும் சூர்யா: உச்சக்கட்ட எதிர்பார்ப்பில் ரசிகர்கள்!

கைதி படத்தின் மூலமாக தமிழ் சினிமாவில் இயக்குனராக அறிமுகமான லோகேஷ் கனகராஜ் தனது இரண்டாவது படத்திலே விஜய்யை இயக்கும் வாய்ப்பை பெற்றார். அதனை தொடர்ந்து தற்போது கமல்ஹாசன் நடிப்பில் விக்ரம் படத்தை இயக்கி வருகிறார். இநிலையில் லோகேஷ் கனகராஜின் அடுத்த படத்தில் சூர்யா நடிக்க உள்ளதாக தகவல்கள் வெளியாகியுள்ளன.

தமிழ் திரையுலகின் பிரபல இயக்குனர்களான மணிரத்னம், ஷங்கர், முருகதாஸ், வெற்றிமாறன், கவுதம்மேனன், லிங்குசாமி, மிஷ்கின், சசி, வசந்தபாலன், பாலாஜி சக்திவேல் மற்றும் லோகேஷ் கனகராஜ் ஆகிய ஒன்பது பேர் இணைந்து தயாரிப்பு நிறுவனம் ஒன்றை தொடங்கியுள்ளனர். 'ரெயின் ஆன் பிலிம்ஸ்' என பெயரிடப்பட்டுள்ள இந்த நிறுவனத்தில், படங்கள் மட்டுமன்றி வெப் சீரிஸ், குறும்படங்கள் உள்ளிட்ட பல விஷயங்களைத் தயாரிக்க முடிவு செய்துள்ளனர்.

இந்த நிறுவனத்தின் முதல் படத்தை லோகேஷ் கனகராஜ் இயக்க உள்ளதாக கடந்த சில தினங்களுக்கு முன்பாக தகவல்கள் வெளியாகின. இந்நிலையில் இந்தப்படத்தில் நடிகர் சூர்யா சூப்பர் ஹீரோ கதாபாத்திரத்தில் நடிக்க இருப்பதாக கூறப்படுகிறது. விரைவில் இதுகுறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.

பவர் ஸ்டாருடன் மூன்றாவது திருமணம்: பேய் பங்களாவில் குடியேறும் வனிதா விஜயகுமார்!
விஜய்யின் மாஸ்டர் படத்தின் வெற்றியைத் தொடர்ந்து தற்போது கமல்ஹாசன் நடிப்பில் விக்ரம் படத்தை இயக்கி வருகிறார் லோகேஷ் கனகராஜ். மாஸ்டர் படத்தில் லோகேஷுடன் பணியாற்றிய விஜய் சேதுபதி, நரேன், அர்ஜுன் தாஸ் உள்ளிட்டோரும் இந்தப்படத்தில் நடிக்கின்றனர். இவர்களுடன் முக்கிய வேடத்தில் பகத் பாசில் நடிக்கிறார். இந்தப்படத்தின் படபிடிப்பு தற்போது விறுவிறுப்பாக நடைபெற்று வருவது குறிப்பிடத்தக்கது.

சூர்யா தற்போது பாண்டிராஜ் இயக்கத்தில் 'எதற்கும் துணிந்தவன்' மற்றும் 'ஜெய் பீம்' படங்களில் நடித்து வருகிறார். இந்தப்படங்களை தொடர்ந்து வெற்றிமாறன் இயக்கத்தில் வாடிவாசல் படத்தில் நடிக்கவுள்ளார். இதற்காக ஒருமாதகாலம் ஜல்லிக்கட்டு பயிற்சி பெற இருக்கிறார் சூர்யா. இந்தப்படத்தை முடித்த பின் லோகேஷ் கனகராஜின் படம் தொடங்கப்படலாம் என எதிர்பார்க்கப்படுகிறது.