கோலிவுட்டின் டாப் நடிகர்களில் ஒருவர் சூர்யா. அவரது நடிப்பில் வெளியான சூரரைப்போற்று திரைப்படம் 5 தேசிய விருதுகளை குவித்துள்ளது. நடிகர் சூர்யா முதல் முறையாக சிறந்த நடிகருக்கான தேசிய விருதை பெற்றுள்ளார்.
இதனால் செம ஹேப்பி மோடில் உள்ளார் சூர்யா. ஏற்கனவே கமலின் விக்ரம் படத்தில் அவர் நடித்த ரோலக்ஸ் கதாப்பாத்திரம் செம ஹிட்டானது. அதனுடன் தேசிய விருதையும் பெற்றுள்ள நடிகர் சூர்யா டபுள் சந்தோஷத்தில் உள்ளார்.
இதனை தொடர்ந்து மீண்டும் சுதா கொங்கரா இயக்கத்தில் சூர்யா நடிக்கவுள்ளதாக தகவல் வெளியாகி வருகிறது. இந்நிலையில் நடிகர் சூர்யா 45 நாட்களுக்கு பிறகு நாடு திரும்பியுள்ளார். மனைவி ஜோதிகா மற்றும் குழந்தைகளுடன் அமெரிக்கா சென்ற நடிகர் சூர்யா, ஒன்றரை மாதங்களுக்கு பிறகு நாடு திரும்பியுள்ளார்.
ஏற்கனவே நடிகர் சூர்யா குடும்பத்துடன் அமெரிக்காவில் ஓய்வை கழித்த போட்டோக்கள் இணையத்தில் வைரலானது. இந்நிலையில் சூர்யா குடும்பத்துடன் சென்னை வந்திறங்கிய போட்டோக்கள் இணையத்தில் கசிந்து வைரலாகி வருகிறது.