நம் அனைவரையும் நிச்சயம் பெருமைப்படுத்துவாள்: ஷங்கர் மகள் குறித்து சூர்யா ட்வீட்!

தமிழ் திரையுலகில் தொடர்ந்து தரமான படைப்புகளை தந்து வருகிறது நடிகர் சூரியாவின் 2D எண்டர்டெயின்மென்ட் நிறுவனம். இந்நிறுவனத்தின் தயாரிப்பான கடைக்குட்டி சிங்கத்தின் பிரமாண்ட வெற்றியை தொர்ந்து, மீண்டும் கார்த்தி நாயகனாக நடிக்கும் “விருமன்” படத்தை 2D எண்டர்டெயின்மென்ட் நிறுவனம் தயாரிக்கிறது. முத்தையா இயக்கும் இந்தப்படம் மூலம் இயக்குனர் ஷங்கரின் மகள் அதிதி ஷங்கர் நாயகியாக அறிமுகமாகிறார்.

இயக்குநர் முத்தையா எழுதி இயக்கும் இந்தப்படத்திற்கு 'விருமன்' என பெயரிடப்பட்டுள்ளது. மேலும், இந்தப்படத்தில் ராஜ்கிரண், பிரகாஷ்ராஜ், சூரி மற்றும் பலர் நடிக்கின்றார்கள். கொம்பன் படம் போலவே இப்படமும் கிராமத்து பின்னணியில், உறவுகளின் கதையை சொல்லும் குடும்ப படமாக உருவாகவுள்ளது. யுவன் சங்கர் ராஜா இசையமைக்கும் இப்படத்திற்கு S.K.செல்வகுமார் ஒளிப்பதிவு செய்கிறார்.

பொதுவாக இயக்குநர் முத்தையா படங்களில் பெண் கதாப்பாத்திரங்கள் அழுத்தமிக்க.. வீரம் கொண்ட கதாபாத்திரமாக இருக்கும். அதே போல், தனது முதல் படத்திலேயே கனமான பாத்திரத்தில் நடிக்கவுள்ளார் அதிதி ஷங்கர். முன்னணி இயக்குநர் ஷங்கரின் மகள் என்பதால், இப்போதே இந்தப்படத்தில் அதிதியின் கதாபாத்திரம் குறித்து ரசிகர்கள் மத்தியில் எதிர்பார்ப்பு ஏற்பட்டுள்ளது.

ப்ப்ப்பா.. என்ன மனுஷன்யா இவரு: விஜய் சேதுபதியின் செயலால் நெகிழ்ந்த நிருபர்!
சூர்யா தயாரிப்பில் தனது மகள் சினிமாவில் அறிமுகமாக உள்ளது குறித்து இயக்குனர் ஷங்கர் தனது ட்விட்டர் பக்கத்தில், அதிதி ஷங்கரை அறிமுகம் செய்து வைப்பதற்காக சூர்யா, ஜோதிகாவுக்கு நன்றி. 2டி என்டர்டெயின்மென்ட் நிறுவனம் எப்பொழுதமே தரமான படங்களை அளிக்கிறது. கார்த்தி, இயக்குநர் முத்தையா, யுவன் ஷங்கர் ராஜா, ராஜசேகர் பாண்டியனுக்கு நன்றி. முழுவதும் தயாராகி வந்திருக்கும் அதிதிக்கு சினிமா பிரியர்கள் தங்கள் அன்பை அளிப்பார்கள் என்று நம்புகிறேன் என குறிப்பிட்டிருந்தார்.


அவரி இந்த ட்விட்டை குறிப்பிட்டு நடிகர் சூர்யா தனது ட்விட்டர் பக்கத்தில், உங்கள் அன்பான வார்த்தைகளுக்கு நன்றி சார்! இது ஒரு இனிமையான பொறுப்பு, அவள் நிச்சயம் நம் அனைவரையும் பெருமைப்படுத்துவாள் என பதிவிட்டுள்ளார். விருமன் படப்பிடிப்பு தேனியில் செப்டம்பர் 18 ஆம் தேதி முதல் துவங்க உள்ளது குறிப்பிடத்தக்கது.