சிவகார்த்திகேயன் பட நடிகருக்கு புற்றுநோய்: உதவி கேட்டு கோரிக்கை

சிவகார்த்திகேயன் நடித்த வருத்தப்படாத வாலிபர் சங்கம் உள்ளிட்ட படங்களில் சிறு, சிறு கதாபாத்திரங்களில் நடித்தவர் தவசி. பெரிய மீசையும், தாடியும், குரலும் தான் அவரின் அடையாளமே. கருப்பன் குசும்புக்காரன் என்கிற ஒற்றை வசனம் மூலம் பிரபலமானவர்.

தவசி தற்போது புற்றுநோயால் அவதிப்பட்டு வருகிறார். சிகிச்சைக்கு போதிய பணம் இல்லாமல் அல்லாடி வருகிறார். இந்நிலையில் சிகிச்சைக்கு நிதியுதவி செய்யுமாறு தவசி மற்றும் அவரின் மகன் கோரிக்கை விடுத்துள்ளனர்.
மொட்டை அடித்து தவசி எலும்பும், தோலுமாக இருக்கும் புகைப்படத்தை பார்த்து ரசிகர்கள் அதிர்ச்சி அடைந்துள்ளனர். தொடர்பு எண்ணை அளித்தால் உதவி செய்யத் தயார் என்று சினிமா ரசிகர்கள் பலர் சமூக வலைதளங்களில் தெரிவித்துள்ளனர். பலரும் சிவகார்த்திகேயனை டேக் செய்து ட்வீட் செய்து கொண்டிருக்கிறார்கள்.

திரையுலகை சேர்ந்தவர்கள் உதவி கேட்டாலோ, அவர்கள் கஷ்டப்படுவது தெரிந்தாலோ சிவகார்த்திகேயன் உடனே உதவி செய்வார். அந்த நம்பிக்கையில் தான் அவரை ரசிகர்கள் டேக் செய்கிறார்கள்.

முன்னதாக கடந்த ஆண்டு தொலைக்காட்சி தொடர் ஒன்றின் ஷூட்டிங் முடிந்து காரில் ஹோட்டலுக்கு சென்றபோது ஏற்பட்ட விபத்தில் தவசி படுகாயம் அடைந்தார். அதில் இருந்து மீண்டு வந்த அவர் தற்போது புற்றுநோயுடன் போராடி வருகிறார்.

Losliya லோஸ்லியாவிடம் பேசினேன், நொறுங்கிட்டார், அழுகிறார்: வனிதா