சம்பளத்தை 40 சதவிதம் குறைத்த மாநாடு பட நடிகர்

கொரோனா வைரஸ் தொற்று பிரச்சனை நாளுக்கு நாள் விஸ்வரூபம் எடுத்து வருகிறது. எண்ணிக்கை தொடர்ந்து அதிகரித்து வரும் நிலையில் ஊரடங்கு தொடர்ந்து அமலில் உள்ளது. குறைந்த அளவிலான பணியாளர்களுடன் செயல்பட பல்வேறு துறைகளுக்கு அரசு அனுமதி அளித்துள்ளது.

ஆனால் சினிமா துறை செயல்பட இதுவரை அனுமதி எதுவும் தரப்படவில்லை. அது தொடர்பாக அரசுக்கு தயாரிப்பாளர்கள் கோரிக்கை வைத்துள்ளனர்.

மேலும் நஷ்டத்தில் இருக்கும் தயாரிப்பாளர்களுக்கு உதவும் விதமாக நடிகர்கள் தங்கள் சம்பளத்தின் ஒரு பகுதியை குறைத்துக்கொள்ளவேண்டும் என தயாரிப்பாளர்கள் கேட்டு வருகின்றனர். அதை ஏற்று நடிகர் விஜய் ஆன்டனி தான் அடுத்து நடிக்கும் 3 படங்களில் 1 கோடி ருபாய் சம்பளத்தை குறைத்துக்கொண்டுள்ளார்.

அதை தொடர்நது நடிகர் ஹரிஷ் கல்யாண் மற்றும் இயக்குனர் ஹரி ஆகியோரும் தங்கள் சம்படலத்தில் இருந்து 25 சதவீதத்தை குறைத்துக்கொள்வதாக அறிவித்தனர்.

இந்நிலையில் பிரபல நடிகர் உதயா தனது சம்பளத்தில் 40 சதவீதத்தை குறைத்து கொள்வதாக தெரிவித்துள்ளார். அவர் நடித்துவரும் அக்னி நட்சத்திரம் மற்றும் மாநாடு ஆகிய படங்களுக்காக வாங்கும் சம்பளத்தில் விட்டுக்கொடுப்பதாக அறிவித்துள்ளார்.

இதற்கு சினிமா துறையினர் பலரும் பாராட்டு தெரிவித்து வருகின்றனர். மேலும் மாநாடு பட தயாரிப்பாளர் இதற்க்கு நன்றி கூறியுள்ளார்.


"என்னால் முடிந்த Small support முதலாளி இந்த கடினமான சூழ்நிலையில்..." என உதயா அதற்கு பதில் அளித்துள்ளார்.