Udhayanidhi Stalin: பிறந்தநாள் கொண்டாட்டத்தை கைவிட்ட உதயநிதி ஸ்டாலின்!

இன்று பிறந்தநாள் கொண்டாட வேண்டிய நடிகர் உதயநிதி ஸ்டாலின் அதை தவிர்த்து விட்டார்.

மறைந்த முன்னாள் முதல்வர் கருணாநிதியின் பேரனும், மு.க.ஸ்டாலின் மகனுமான உதயநிதி ஸ்டாலினுக்குஇன்று பிறந்தநாள். அதை அவர் கொண்டாட விரும்பவில்லை. சமீபத்தில் தன்னுடைய தாத்தா கருணாநிதி இறந்த துக்கத்தாலும் மற்றும் டெல்டா மாவட்டங்களிலும் அடித்த புயல் சேதங்களாலும் தன்னுடைய பிறந்தநாளை இந்த வருடம் கொண்டாட வேண்டாம் என்று உதயநிதி முடிவு செய்துள்ளார்.

தற்போது உதயநிதி ஸ்டாலின், கஜா புயலில் பாதிக்கப்பட்ட மக்களுக்கு தன்னுடைய நற்பணி மன்றங்கள் மூலம் உதவிகளை செய்து வருகிறார். இன்று தன்னுடைய பிறந்த நாள் கொண்டாட்டத்தை தவிர்க்குமாறு ரசிகர்களுக்கு அவர் தலைமை ரசிகர் மன்றம் மூலமாக வேண்டுகோள் விடுத்துள்ளார். தனது பிறந்தநாளை கொண்டாடுவதற்கு பதில் புயல் பாதித்த மக்களுக்கு உதவிகளை செய்யும்படி கேட்டுக் கொண்டுள்ளார்.

இருந்தாலும் உதயநிதிக்கு சினிமா பிரபலங்கள் பலரும் வாழ்த்துகளை தெரிவித்து வருகின்றனர்.