மதுரையில் எளிமையாக நடந்த வடிவேலு மகள் திருமணம்!

மதுரை : நகைச்சுவை நடிகர் வடிவேலுவின் மகள் கார்த்திகாவின் திருமணம் இன்று எளிமையாக மதுரையில் நடைபெற்றது.

வடிவேலுவின் மகள் கார்த்திகா சி.ஏ படித்துள்ளார். இவருக்கும் ஐ.பி.எம் நிறுவனத்தில் பணி புரியும் கணேஷ் குமார் என்பவருக்கும் மதுரை, விரகனூர் சி.ஆர்.திருமண மண்டபத்தில் திருமணம் நடந்தது.



இந்த திருமண நிகழ்ச்சியில் சினிமா நடிகர்கள், மற்ற பிரபலங்கள் எவரும் கலந்து கொள்ளவில்லை. வடிவேலுவின் மிக நெருக்கமான உறவினர்கள் முன்னிலையில் திருமணம் சிறப்பாக நடந்தது.


இதே போல் வடிவேலு மகன் சுப்ரமணி திருமணமும் மிகவும் எளிமையாக மதுரை ராஜமுத்தையா மன்றத்தில் கடந்த 2014ம் ஆண்டு நடைபெற்றது குறிப்பிடத்தக்கது.