90 லட்சம் சம்பளம் கேட்ட வடிவேலு!

விஷால், சூரியுடன் இணைந்து நடிக்க வடிவேலு ரூ.90 லட்சத்தை சம்பளமாக கேட்டதாக கூறப்படுகிறது.

தொடர்ந்து கமர்ஷியல் ஹிட் படங்களை கொடுத்து வரும் சுராஜ் விரைவில் விஷால் நடிக்கவுள்ள புதிய படத்தை இயக்குகிறார். இதில் விஷாலுடன், காமெடி நடிகர் சூரி இணைந்து நடிக்கிறார். தற்போது இவர்களுடன் நீண்ட நாட்களுக்கு பிறகு காமெடி வேடத்தில் கலக்கவிருக்கிறார் வடிவேலு.

இதில் வடிவேலுக்கும், சூரிக்கும் தனித்தனி காமெடி ட்ராக் காட்சிகளை இயக்குனர் வைத்துள்ளதாக கூறப்படுகிறது. இப்படத்திற்கு ‘கத்திச் சண்டை’ எனப் பெயிரிட்டுள்ளனர். இப்படத்தில் நடிக்க வடிவேலு ரூ.90 லட்சம் சம்பளம் கேட்டராம். அதன்பிறகு பேச்சுவார்த்தை நடந்ததை தொடர்ந்து தற்போது ரூ.60 லட்சத்துக்கு வைகைப் புயல் ஒப்புக் கொண்டதாக செய்தி வெளியாகியுள்ளது.