பிரபல இளம் நடிகர் ரகசிய திருமணம்: வைரலாகும் புகைப்படம்!

தமிழ் சினிமாவில் வளரும் இளம் நடிகராக வலம் வந்து கொண்டிருப்பவர் நடிகர் வெற்றி. சிறந்த, வித்தியாசமான கதைகளை தேர்ந்தெடுத்து நடித்து வருகிறார். குறைந்த பட்ஜெட்டில், திரைக்கதையை மட்டும் நம்பி உருவாகும் இவரின் படங்கள் ரசிகர்கள் மத்தியில் வரவேற்பை பெறுவது குறிப்பிடத்தக்கது.

வெற்றி முதன்மை கதாபாத்திரம் ஏற்று நடித்து வெளியான '8 தோட்டாக்கள்' படம் ரசிகர்கள் மத்தியில் அமோக வரவேற்பினை பெற்றது. இதனை தொடர்ந்து வெளியான ஜீவி படம் வித்தியாசமான திரைக்கதையால் விமர்சனரீதியாக பாராட்டுக்களையும், ரசிகர்கள் மத்தியில் வரவேற்பையும் பெற்றது.

அண்மையில் வெற்றி நடிப்பில் வெளியான 'வனம்' படமும் புதுமையான கதையம்சத்தால் ரசிகர்களின் கவனம் ஈர்த்தது. இந்நிலையில் இவரும் திடீரென ரகசிய திருமணம் நடந்துள்ளது. திருநெல்வேலியில் நடைபெற்ற இவரின் திருமணத்தில் நெருங்கிய உறவினர்கள் மட்டும் கலந்து கொண்டுள்ளனர்.

வாயை கொடுத்து வம்பில் மாட்டிய சித்தார்த்: சாய்னா நேவால் விவகாரத்தில் நடவடிக்கை!
இவரின் திருமணத்தின் போது எடுக்கப்பட்ட புகைப்படம் இணையத்தில் வெளியாகி வைரலாகி வருகிறது. வெற்றி தற்போது 'பம்பர்' என்ற படத்தில் நடித்து வருகிறார். இந்தப்படத்தில் பிக்பாஸ் மூலம் பிரபலமான ஷிவானி கதாநாயகியாக நடிக்கிறார்.

முன்னதாக தமிழ் சினிமாவில் வில்லனாகவும், துணை நடிகராகவும் நடித்து வரும் ஹரிஷ் உத்தமன் நேற்றைய தினம் மலையாள நடிகை சின்னு குருவிலா என்பவரைத் காதலித்து பதிவுத் திருமணம் செய்துகொண்டது குறிப்பிடத்தக்கது.