சர்கார் படத்தில் விஜய் முதல்வரா ?

சர்கார் படத்தில் நடிகர்விஜய், முதல்வர் கதாபாத்திரத்தில் நடித்துள்ளதாக தகவல் வெளியாகியுள்ளது.

ஏ.ஆர்.முருகதாஸ் இயக்கத்தில் இளைய தளபதி விஜய் நடித்து வரும் சர்கார் படத்தின் போஸ்டரில் விஜய் புகைப்பிடிக்கும் காட்சி இடம்பெற்றிருந்தது. இந்நிலையில் சர்க்கார் படத்தின் போஸ்டரை இணையதளங்களில் இருந்தும், சமூக வலைத்தளங்களில் இருந்தும் நீக்க வேண்டும் என்று நடிகர் விஜய், இயக்குநர் முருகதாஸ் ஆகியோருக்கு பொது சுகாதாரத்துறை நோட்டீஸ் அனுப்பியது. அதன்படி விஜய் புகைப்பிடிப்பது போல் வெளியிடப்பட்ட ‘சர்கார்’ படத்தின் போஸ்டர் நீக்கப்பட்டது.

இந்நிலையில் சர்கார் படத்தின் கதை இதுவாக இருக்கலாம் என்று தகவல்கள் வெளியாகியுள்ளது. படத்தில் விஜய்ஐடி துறையில் வேலை பார்த்து வருகிறார். அப்போது மக்களுக்கு நன்மை செய்கிறார். மேலும் சாதாரண ஊழியராக இருந்தாலேஇவ்வளவு நன்மை செய்ய முடியுமானால், அதிகாரம் கிடைத்தால் எவ்வளவு நன்மை செய்ய முடியும் என்று யோசிக்கிறார். அதுபோலவே ஒரு அரசியல்வாதியாக மாறி தேர்தலில் நிற்கிறார். அதன்பிறகு முதல்வராகும் காட்சி வருகிறது.

ஏற்கெனவே மெர்சல் திரைப்படத்தில் ஜிஎஸ்டிக்கு எதிராக வசனங்கள் இருப்பதால்சர்ச்சைகள் எழுந்தன. இந்நிலையில் இதுபோன்று கதை களம்அமைந்தால், சர்கார் படம் வெளியாவதில் பிரச்சனை ஏற்பட்ட வாய்ப்புள்ளதாக கூறப்படுகிறது.