நீண்ட இடைவெளிக்கு பிறகு இணையும் விஜய் - பிரபுதேவா காம்போ: உற்சாகத்தில் ரசிகர்கள்!

சன் பிக்சர்ஸ் தயாரிப்பில் நெல்சன் இயக்கத்தில் உருவாகி வரும் ’பீஸ்ட்’ படத்தில் நடித்து வருகிறார் விஜய். இந்த படத்தின் முதல்கட்ட படப்பிடிப்பு கடந்த ஏப்ரல் மாதம் ஜார்ஜியாவில் துவங்கியது. அதனை தொடர்ந்து அண்மையில் பீஸ்ட் படத்தின் மூன்றாம் கட்ட படப்பிடிப்பு சென்னையில் துவங்கியது. இதனை தொடர்ந்து மீண்டும் ஜார்ஜியாவிற்கு 'பீஸ்ட்' படக்குழு செல்ல உள்ளதாக தகவல்கள் வெளியாகின.

கோலமாவு கோகிலா, டாக்டர் படங்களை தொடர்ந்து தற்போது விஜய் நடிப்பில் 'பீஸ்ட்' படத்தை இயக்கி வருகிறார் நெல்சன் திலீப்குமார். கடந்த ஜூலை 1 ஆம் தேதியில் இருந்து பீஸ்ட் படத்தின் இரண்டாம் கட்ட படப்பிடிப்பு துவங்கியது. 'பீஸ்ட்' படத்தில் விஜய்க்கு வில்லன்களாக மூன்று பேர் நடிக்க உள்ளதாக கூறப்படுகிறது. மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் இந்த படத்தில் விஜய்க்கு வில்லன்களாக நடித்து வருவகின்றனர்.

'பீஸ்ட்' படத்தை முடித்துவிட்டு தெலுங்கு இயக்குனர் வம்சி பைடிபல்லி, ஸ்ரீ வெங்கடேஸ்வரா கிரியேஷன்ஸ் தயாரிப்பில் விஜய்யின் 66-வது படம் உருவாக்கப்போவதாக அதிகாரப்பூர்வமான அறிவிப்பு வெளியானது. இந்த படத்தில் முக்கிய கதாபாத்திரத்தில் மகேஷ்பாபு மகள் மற்றும் பிரகாஷ்ராஜ் ஆகியோர் நடிக்க இருப்பதாகவும், அடுத்த ஆண்டு படபிடிப்பு தொடங்க இருப்பதாகவும் தகவல்கள் வெளியானது.

'ஜெய் பீம்' படம் வெளியாவதற்கு முன்பே சூர்யாவுக்காக குரல் கொடுத்த நடிகர் நரேன்!
இந்தப் படத்தில் வரும் இரண்டு பாடலுக்கு நடன இயக்குனராக பிரபுதேவா பணியாற்ற உள்ளதாக தகவல்கள் வெளியாகியுள்ளன. தெலுங்கில் முதன் முதலாக விஜய் என்ட்ரி ஆவதால் அந்த இரண்டு பாடல்களுக்கும் வித்தியாசமான மற்றும் ரசிகர்களை கவரக்கூடிய அளவில் நடன அசைவுகளை கம்போஸ் செய்ய பிரபுதேவாவிடம் நடிகர் விஜய்யே தனிப்பட்ட கோரிக்கை வைத்துள்ளதாகவும் கூறப்படுகிறது.

அக்ஷய்குமாரை வைத்து பிரபுதேவா ஹிந்தியில் இயக்கிய 'ரவுடி ரத்தோர்' படத்தில் பிரபுதேவாவின் வேண்டுகோளுக்கிணங்க ஒரு பாடலுக்கு நடிகர் விஜய் நடனம் ஆடியிருந்தார். மேலும் விஜய் நடிப்பில் வெளியான 'போக்கிரி' படத்தில் ஒரு பாடலில் பிரபுதேவா மற்றும் விஜய் காம்போ டான்ஸ் ரசிகர்களிடம் நல்ல வரவேற்பை பெற்றது. இந்நிலையில் பல ஆண்டுகளுக்கு பிறகு விஜய், பிரபுதேவா காம்பினேஷன் இணையவுள்ளதாக வெளியாகியுள்ள தகவல் ரசிகர்கள் மத்தியில் உற்சாகத்தை ஏற்படுத்தியுள்ளது.