தளபதி பர்த்டே ஸ்பெஷல் காமன் டிபி: ட்விட்டரை தெறிக்கவிடும் விஜய் ரசிகர்கள்!

தமிழ் சினிமாவில் உச்ச நடிகராகவும், தயாரிப்பாளர்கள் விரும்பும் பாக்ஸ் ஆபிஸ் நாயகனாகவும் திகழ்பவர் நடிகர் விஜய். குழந்தைகள், இளைஞர்கள், பெண்கள், பெரியவர்கள் என கோடிக்கணக்கான ரசிகர்களை கொண்டுள்ள இவரின் திரைப்படம் வெளியாகும் போதெல்லாம், திரையரங்குகளை திருவிழா போல் மாற்றுவார்கள் விஜய்யின் ரசிகர்கள். இந்நிலையில் ஜுன் 22 ஆம் தேதி வரப் போகின்ற விஜய்யின் பிறந்தநாளை கொண்டாட இப்போது தயாராகி வருகின்றனர் அவரின் ரசிகர்கள்.

நடிப்பு, ஸ்டைல், நடனம், ஆக்‌ஷன், பாடல் என அனைத்திலும் தனக்கென ஒரு ரசிகர் பட்டாளம் வைத்துள்ளார் விஜய். ஒவ்வொரு பிறந்தநாளிலும் விஜய்யின் வயது குறைந்து, இளமை கூடுவதை போல் அவரின் நடை, உடை, பாவனை, தோற்றம் அனைத்திலும் ஒரு இளமை எட்டி பார்க்கிறது. சிறியவர்கள் முதல் பெரியவர்கள் வரை ரசித்துப் பார்க்கும், ஆதர்ச நாயகனாக தமிழ் சினிமாவில் வலம் வருகிறார் விஜய்.

இந்நிலையில் வருகின்ற ஜுன் 22 ஆம் தேதி விஜய் பிறந்தநாளைக் கொண்டாட தயாராகி வருகின்றனர் விஜய் ரசிகர்கள். வழக்கமாக அவரின் பிறந்தநாளின் போது நலத்திட்ட உதவி, உணவு, ரத்த தானம் பல்வேறு சமூக பணிகளில் ஈடுபடுவார்கள் விஜய் ரசிகர்கள். மற்றொரு புறம் இணையத்தில் இருக்கும் விஜய் ரசிகர்கள் அவரது பிறந்தநாள் ஹேஷ்டேக்கை ட்ரெண்ட் செய்து கொண்டாடுவார்கள். இந்நிலையில் விஜய்யின் பிறந்தநாளை முன்னிட்டு காமன் டிபி வெளியிட்டு ட்விட்டரை தெறிக்கவிட்டு வருகின்றனர் விஜய் ரசிகர்கள்.

ஓடிடியில் வெளியிடும் முடிவில் இருந்து பின்வாங்கிய 'பார்டர்' திரைப்பட குழு: மகிழ்ச்சியில் ரசிகர்கள்!
விஜய் பிறந்தநாளை முன்னிட்டு CDP எனப்படும் காமன் டிபி-யை டிசைன் செய்து இணையத்தில் வெளியிட்டிருக்கிறார்கள் ரசிகர்கள். அவரது பிறந்தநாளைக் கொண்டாடும் விதமாக இந்த காமன் டிபி-யை தங்களது சமூக வலைதள கணக்குகளின் முகப்புப் படமாக வைத்துள்ளார்கள் விஜய் ரசிகர்கள். இந்த வருட டிபி-யில் ’மெர்சல்’ வெற்றிமாறனும், ‘பிகில்’ ராயப்பனும் தங்களில் பலமானவர்கள் யார் என்பதை நிரூபிக்கும் விதமாக உள்ளது. மேலும் அவரது முதல் படம் தொடங்கி தற்போது வெளியான திரைப்படம் வரை அவரின் முக்கியமான தோற்றங்கள் இடம் பெற்றுள்ளன.

கடந்த பொங்கலுக்கு வெளியான மாஸ்டர் திரைப்படத்தின் வெற்றியை தொடர்ந்து தற்போது நெல்சன் திலீப் குமார் இயக்கத்தில் தளபதி 65 படத்தில் நடித்து வருகிறார் விஜய். அவரது பிறந்த நாள் அன்று தளபதி 65 டைட்டில் வெளியாகும் என்ற செய்தி இணையத்தில் கசிந்துள்ளது. அதே போல் தளபதி 66 திரைப்படத்தின் இயக்குனர் குறித்த அறிவிப்பும் வெளியாகும் என்றும் எதிர்பார்க்கப்படுகிறது.