Vijay: ‘விஜய்யே தேவையில்லை’ - பரபரக்கும் சோஷியல் மீடியா: என்ன காரணம் தெரியுமா.?

பீஸ்ட் படத்தின் ரிலீசுக்கு முன்பாகவே தெலுங்கு இயக்குனர் வம்சி பைடிபல்லி, ஸ்ரீ வெங்கடேஸ்வரா கிரியேஷன்ஸ் தயாரிப்பில்’ தளபதி 66' படத்தில் விஜய் நடிக்கவுள்ளதாக அதிகாரப்பூர்வமான அறிவிப்பு வெளியானது. இந்தப்படத்தில் விஜய்யின் ஜோடியாக ராஷ்மிகா மந்தனா நடிக்கிறார்.

இந்நிலையில் இந்த படத்தின் ‘வாரிசு’ தலைப்பு மற்றும் பர்ஸ்ட் லுக் போஸ்டர் விஜய் பிறந்தநாளை முன்னிட்டு வெளியானது. இதன் படப்பிடிப்பு தற்போது விறுவிறுப்பாக நடைபெற்று வருகிறது. நீண்ட இடைவேளைக்கு பிறகு குடும்ப சென்டிமென்ட் கதையம்சம் கொண்ட படத்தில் நடித்து வருகிறார் விஜய்.

அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்

‘வாரிசு’ படத்தினை தில் ராஜுவின் ஸ்ரீ வெங்கடேஸ்வரா கிரியேஷன்ஸ் நிறுவனம் தயாரித்து வருகிறது. இதன் படத்தின் சூட்டிங் சென்னை, ஐதராபாத் உள்ளிட்ட இடங்களில் நடந்து முடிந்த நிலையில் தற்போது எண்ணூரில் நடைபெற்று வருகிறது. இந்தப்படம் துவங்கியதில் இருந்தே படப்பிடிப்பின் போட்டோ மற்றும் வீடியோக்கள் இணையத்தில் லீக்காகி வருகின்றனர்.

வாரிசு படப்பிடிப்பு எண்ணூரில் நடப்பதை அறிந்த விஜய் ரசிகர்கள் ஏராளமானோர் ஷூட்டிங் நடக்கும் இடத்தில் குவிய தொடங்கினர். அப்போது விஜய்யை பார்க்க முற்பட்ட போது, போலீசார் தடியடி நடத்தி கூட்டத்தை கலைத்தனர். இதனால் ஆத்திரமடைந்த ரசிகர்கள், நாங்கள் இவ்வளவு பண்றது எதுக்கு, எங்க தளபதியை பார்க்க தானே. இப்படி பண்ணா எங்களுக்கு தளபதியே தேவையில்லை. சூர்யா, ரஜினி வந்த மட்டும் அவரது ரசிகர்களை பார்க்க அனுமதிக்கிறாங்க.

Rashmika Mandanna: கட்டாயப்படுத்திய ரசிகர்: வேறு வழியில்லாமல் செய்த ராஷ்மிகா மந்தனா.!

ஆனால் விஜய் வந்தா மட்டும் இப்படி பண்றாங்க. வாசலில் வந்து நின்று கைகாட்டினால் கூட அது எங்களுக்கு சந்தோஷம் தான். ஆனா அதை கூட செய்யலை என தங்களின் அதிருப்தியை வெளிப்படுத்தியுள்ளனர். இந்த வீடியோ இணையத்தில் வைரலானதை தொடர்ந்து ‘விஜய்யே தேவையில்லை’ என்ற ஹேஸ்டாக் ட்விட்டரில் டிரெண்டாகி வருகிறது. ‘வாரிசு’ படத்தினை அடுத்தாண்டு பொங்கலுக்கு ரிலீஸ் செய்ய படக்குழு திட்டமிட்டுள்ளது குறிப்பிடத்தக்கது.