நெல்சன் இயக்கத்தில் விஜய் நடிப்பில் கடந்த மாதம் வெளியான 'பீஸ்ட்' படம் திடீரென உலக அளவில் டிரெண்டாகி வருகிறது. டாக்டர் படம் வெளியாவதற்கு முன்பே பீஸ்ட் படத்தை பற்றிய அறிவிப்பு வெளியானது. அதன் பிறகு சிவகார்த்திகேயன் நடிப்பில் வெளியான டாக்டர் படம் மிகப்பெரிய ஹிட்டடித்ததால் ரசிகர்கள் மத்தியில் 'பீஸ்ட்' படத்திற்கு மிகப்பெரிய எதிர்பார்ப்பு நிலவியது.
சன் பிக்சர்ஸ் தயாரித்துள்ள 'பீஸ்ட்' படத்தில் விஜய்க்கு ஜோடியாக பூஜா ஹெக்டே நடித்தார். கோலமாவு கோகிலா, டாக்டர் படங்களை தொடர்ந்து விஜய் நடிப்பில் 'பீஸ்ட்' படத்தை இயக்கினார் நெல்சன் திலீப்குமார். இந்தப்படத்தில் மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் உள்ளிட்டோர் நடித்திருந்தனர். கடந்த வாரம் வெளியான இந்தப்படம் ரசிகர்களின் எதிர்பார்ப்பினை பூர்த்தி செய்யவில்லை.
இந்நிலையில் 'பீஸ்ட்' படத்தின் கிளைமேக்ஸ் காட்சி சமூக வலைதளங்களில் கடுமையாக விமர்சிக்கப்பட்டு வருகிறது. குறிப்பாக இந்திய விமானப்படையை சேர்ந்த முன்னாள் இந்நாள் அதிகாரிகள், பாதுகாப்பு துறை வல்லுனர்கள் 'பீஸ்ட்' ரஃபேல் விமான காட்சியை பதிவிட்டு விமர்சித்து வருகின்றனர்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
ரஃபேல் விமானத்தில் ஹெல்மெட், ஆக்ஸிஜன் இல்லாமல் பறக்க முடியுமா, அதிவேகத்தில் செல்லும்போது சல்யூட் அடிக்க முடியுமா? என்பது உள்ளிட்ட கேள்விகளை எழுப்பி வருகின்றனர். இதனால் ஒரே நாளில் வேர்ல்டு லெவலில் பேமஸ் ஆகியுள்ளது 'பீஸ்ட்'. இந்த விமர்சனங்களை எல்லை மீறி போக, தற்போது விஜய் ரசிகர்கள் இதற்கெல்லாம் பதிலடி கொடுத்து வருகின்றனர்.
இதனை தொடர்ந்து பாலிவுட்டில் இடம்பெற்ற லாஜிக் மீறல் காட்சிகளை விஜய் ரசிகர்கள் பதிவிட்டு விமர்சித்து வருகின்றனர். லாஜிக் பத்தியெல்லாம் கேள்வி கேட்க ஆரம்பிச்சா, படமே எடுக்க முடியாது என தடாலடியாக பதிலடி கொடுத்து வருகின்றனர். 'பீஸ்ட்' படத்தினை தொடர்ந்து விஜய் தற்போது 'தளபதி 66' படத்தில் நடித்து வருவது குறிப்பிடத்தக்கது.