Thalapathy 63: சீறிப் பாய்ந்த காஸ்ட்லி கார்; தளபதியின் ஒரே செயல் தான் - உணர்ச்சிவசப்பட்ட ரசிகர்கள்!

அட்லி இயக்கத்தில் விஜய் 3வது முறையாக கூட்டணி சேர்ந்துள்ளார். கால்பந்து விளையாட்டை மையமாகக் கொண்டு அரசியல் கலவையுடன் உருவாகி வரும் இப்படத்திற்கு, இன்னும் பெயர் சூட்டப்படவில்லை.

“விஜய் 63” அல்லது “தளபதி 63” என்றே அழைக்கப்பட்டு வருகிறது. இதில் கதிர் முக்கிய கதாபாத்திரத்தில் நடிக்கிறார். விஜய்க்கு ஜோடியாக நயன்தாரா நடிக்கிறார். மேலும் ஜாக்கி ஷெரூப், விவேக், யோகி பாபு, டேனியல் பாலாஜி, ஆனந்த்ராஜ் உள்ளிட்ட பலரும் நடிக்கின்றனர்.

இந்தப் படத்தை ஏஜிஎஸ் எண்டர்டெய்ன்மெண்ட் நிறுவனம் தயாரிக்கிறது. ”தளபதி 63” படத்திற்கு இசைப்புயல் ஏ.ஆர்.ரகுமான் இசையமைக்கிறார். ஜிகே விஷ்ணு ஒளிப்பதிவு செய்கிறார். ரூபன் எடிட்டிங் பணிகளை மேற்கொள்கிறார்.

வரும் தீபாவளி பண்டிகை அன்று, இப்படம் திரைக்கு வரும் என்று தெரிவிக்கப்பட்டுள்ளது. முன்னதாக வரும் தமிழ் புத்தாண்டு தினத்தில் விஜய் படத்தின் பர்ஸ்ட் லுக் போஸ்டர் வெளியாகும் என்று எதிர்பார்க்கப்படுகிறது.

சமீபத்தில் நடிகர் விஜய் ஷூட்டிங் ஸ்பாட்டில் இருந்து, விலை உயர்ந்த காரில் வெளியே வந்துள்ளார். அங்கு ஏராளமான ரசிகர்கள் கூடியிருந்தனர். அவர்களை உற்சாகப்படுத்தும் வகையில், வெளியே வந்து விஜய் கை அசைத்தார்.

உடனே “தலைவா” என்று ரசிகர் பட்டாளம் ஆரவாரம் செய்தனர். இதனைப் பலரும் தங்கள் செல்போனில் படம் பிடித்துள்ளனர். இந்த வீடியோ தற்போது வைரலாகிக் கொண்டிருக்கிறது.