நடிகர் விஜய் ரசிகர்களுடன் திடீர் சந்திப்பு!

நடிகர் விஜய், சென்னை அருகே உள்ள பனையூரில் கடந்த 2 நாட்களாக ரசிகர்களை சந்தித்து ஆலோசனை நடத்தியது கோலிவுட்டில் பரபரப்பாக பேசப்படுகிறது.

விஜய் தற்போது ஏ.ஆர்.முருகதாஸ் இயக்கும் படத்தில் நடித்து வருகிறார். இதன் படப்பிடிப்பு விறுவிறுப்பாக நடந்து வருகிறது. இந்த நிலையில் சென்னை பனையூரில்இருக்கும் விஜய் மக்கள் இயக்க அலுவலகத்தில், மாவட்டம் வாரியாக உள்ள தனதுரசிகர் மன்ற நிர்வாகிகளை விஜய் சந்தித்து வருகிறார்.

அரசியலில் களமிறங்கும் நடிகர் ரஜினிகாந்த்,கமல்ஹாசன் இருவரும் நேரம் கிடைக்கும்போது தங்கள் ரசிகர்களையும், மன்றநிர்வாகிகளையும் சந்தித்து போட்டோ எடுத்து வருகின்றனர்.

அதுபோல்நடிகர் விஜய்யிடமும் அவரது மன்ற நிர்வாகிகள் வேண்டுகோள் விடுத்தனர். அதன்படிகடந்த 3 நாட்களாக தனது ரசிகர் மன்ற நிர்வாகிகளையும், ஆட்டோடிரைவர்களையும் விஜய் சந்தித்து போட்டோ எடுத்துக்கொண்டார்.

நடிகர் விஜய் வழக்கமாக தனது பிறந்தநாள், நலத்திட்ட நிகழ்ச்சிகளின்போது ரசிகர்களை சந்திப்பார். ஆனால் இம்முறை பிறந்த நாளுக்கு முன்பாகவே தொடர்ந்து ரசிகர்களை சந்தித்து, புகைப்படமும் எடுத்து வருவது குறிப்பிடத்தக்கது.