20 வருஷம் ஆச்சு இந்த மாதிரி ஒரு கதை கேட்டு: விஜய்யை நெகிழ செய்த'தளபதி 66' ஸ்கிரிப்ட்!

சன் பிக்சர்ஸ் தயாரிப்பில் நெல்சன் இயக்கத்தில் உருவாகி வரும் ’பீஸ்ட்’ படத்தில் நடித்து வருகிறார் விஜய். இந்த படத்தின் முதல்கட்ட படப்பிடிப்பு கடந்த ஏப்ரல் மாதம் ஜார்ஜியாவில் துவங்கியது. அதனை தொடர்ந்து முழு படப்பிடிப்பையும் நிறைவு செய்தனர் படக்குழுவினர். ஏப்ரல் மாதம் படத்தை வெளியிட திட்டமிட்டுள்ளனர் படக்குழுவினர்.

கோலமாவு கோகிலா, டாக்டர் படங்களை தொடர்ந்து தற்போது விஜய் நடிப்பில் 'பீஸ்ட்' படத்தை இயக்கி வருகிறார் நெல்சன் திலீப்குமார். கடந்த ஜூலை 1 ஆம் தேதியில் இருந்து பீஸ்ட் படத்தின் இரண்டாம் கட்ட படப்பிடிப்பு துவங்கியது. 'பீஸ்ட்' படத்தில் விஜய்க்கு வில்லன்களாக மூன்று பேர் நடிக்க உள்ளதாக கூறப்படுகிறது. மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் இந்த படத்தில் விஜய்க்கு வில்லன்களாக நடித்து வருவகின்றனர்.

'பீஸ்ட்' படத்தை முடித்துவிட்டு தெலுங்கு இயக்குனர் வம்சி பைடிபல்லி, ஸ்ரீ வெங்கடேஸ்வரா கிரியேஷன்ஸ் தயாரிப்பில் விஜய்யின் 66-வது படம் உருவாக்கப்போவதாக அதிகாரப்பூர்வமான அறிவிப்பு வெளியானது. இந்த படத்தில் முக்கிய கதாபாத்திரத்தில் மகேஷ்பாபு மகள் மற்றும் பிரகாஷ்ராஜ் ஆகியோர் நடிக்க இருப்பதாகவும் ஏற்கனவே செய்திகள் வெளியானது.

சமந்தா விவாகரத்தில் அதெல்லாம் நடக்க வாய்ப்பே இல்லை: வெளியான பரபரப்பு தகவல்!

இந்நிலையில் 'தளபதி 66' படத்தின் தயாரிப்பாளர் தில் ராஜு இந்தப்படம் குறித்த சில தகவல்களை கூறியிருக்கிறார். அதில், படப்பிடிப்பை மார்ச் மாதம் துவங்க திட்டமிட்டுள்ளோம். 'தளபதி 66' கதையைக் கேட்ட விஜய், இந்த மாதிரி ஒரு பேமிலி ஸ்கிரிப்ட் கேட்டு 20 ஆண்டுகள் ஆகிவிட்டது என கூறியதாக தெரிவித்துள்ளார்.

மேலும் கொரோனா பரவலின் வேகம் பொறுத்து 'தளபதி 66' படத்தை இந்த ஆண்டு தீபாவளி அல்லது அடுத்த பொங்கலுக்கு வெளியிட திட்டமிட்டுள்ளோம் என கூறியுள்ளார். இந்த தகவல் விஜய் ரசிகர்கள் மத்தியில் படம் மீதான எதிர்பார்ப்பை எகிற செய்துள்ளது.