Vijay Sethupathi : மக்கள் செல்வனுக்கு ஜோடியாகும் ஸ்ருதிஹாசன்!

நடிகை ஸ்ருதிஹாசன் ஒரு காலத்தில் தமிழ், தெலுங்கு மற்றும் இந்தி சினிமாவில் முன்னணி நடிகையாக வலம் வந்தார். பின்னர் இரண்டு வருடங்களாக எந்தப் படங்களிலும் நடிக்கவில்லை. தற்போது ஓய்வில் இருந்து வருகிறார்.

இந்நிலையில் நடிகை ஸ்ருதிஹாசன் மீண்டும் நடிப்பில் ரீ என்ட்ரி ஆக முடிவு செய்துள்ளார், கடைசியாக 2017ல் சூர்யாவுடன் ‘சிங்கம் 3’ படத்தில் நடித்திருந்தார். அதன்பிறகு ஸ்ருதி நடிப்பிலிருந்து ஓய்வு எடுத்துக்கொண்டதாக கூறப்பட்டாலும் திரையுலகினருடன் தொடர்பிலேயே இருந்தார்.

ஒரு கட்டத்தில் லண்டன் காதலன் மைக்கேல் கோர்சேலை திருமணம் செய்துகொண்டு செட்டிலாவார் என்றுகூட பரபரப்பு எழுந்தது. இந்நிலையில் நடிகை ஸ்ருதிஹாசனுக்கு மீண்டும் நடிக்க பட வாய்ப்பு வந்த வண்ணம் உள்ளனர்.

விரைவில் படங்களில் நடிக்க ஒப்புக் கொள்வார் என்றே தெரிகிறது. இதுகுறித்து அவர் கூறுகையில், ‘‘சீக்கிரமே தமிழ், தெலுங்கு படங்களில் நடிக்க உள்ளேன். அரசியலில் எனக்கு இப்போதைக்கு ஆர்வம் இல்லை’’ என்று கூறியுள்ளார். சமீபத்தில் இவருக்கு மார்க்கெட் இல்லாததால் சில காலம் ஓய்வில் இருந்தார். ஆனால், தமிழில் இவர் கடைசியாக நடித்த படம் ‘வேதாளம்’ தான். இந்தப் படத்தில் அஜித்துக்கு ஜோடியாக நடித்திருந்தார்.

இந்தப் படத்திற்கு பிறகு இவர் வேறு எந்த தமிழ் படத்திலும் நடிக்கவில்லை. தற்போது இவர் விஜய் சேதுபதிக்கு ஜோடியாக ஒரு படத்தில் நடிக்க ஒப்பந்தமாகியுள்ளார். இந்தப் படத்தை பிரபல இயக்குனர் ஜனநாதன் இயக்கவுள்ளார்.