புற்றுநோயால் பாதிக்கபட்ட சிறுவனின் ஆசையை நிறைவேற்றிய மக்கள் செல்வன்!

தமிழ் சினிமாவில் முன்னணி நடிகராக திகழ்பவர் விஜய் சேதுபதி. கைவசம் பல திரைப்படங்களை வைத்துள்ள இவருக்கென்று தனி ரசிகர் பட்டாளமே உள்ளது. ரசிகர்களிடம் நெருங்கி பழக கூடிய நடிகர் விஜய் சேதுபதி, புற்றுநோய் பாதித்த சிறுவன் ஒருவன் தன்னை நேரில் கான விரும்புவதை ரசிகர்கள் மூலம் அறிந்தவர், அந்த சிறுவனை நேரில் அழைத்து கட்டியணைத்து நம்பிக்கையூட்டியுள்ளார்.

பீட்சா, நடுவுல கொஞ்சம் பக்கத்தை காணோம், சூதுகவ்வும் போன்ற வித்தியாசமான திரைப்படங்களில் நடித்து ரசிகர்களின் மனங்களில் இடம் பிடித்தவர் விஜய் சேதுபதி. தனது ஹீரோ இமேஜ் பாதிக்கப்ட்டாலும் அதைப்பற்றி எல்லாம் கவலை கொள்ளாமல் கதாபாத்திரத்திற்கு தேவையான நடிப்பை வழங்க கூடிய இவருக்கென்று தனி ரசிகர் பட்டாளமே உள்ளது.

இந்நிலையில் புற்றுநோயால் பாதிக்கப்பட்ட சிறுவன் ஒருவன் 'தனக்கு பிடித்த நடிகர் விஜய் சேதுபதிதான். அவரைப் பார்க்கவேண்டும்’ என்று சமூக வலைதளங்களில் கோரிக்கை வைத்திருந்தார். இதனை தனது ரசிகர் மன்ற நிர்வாகிகள் மூலம் அறிந்த விஜய் சேதுபதி, அந்த சிறுவனை குடும்பத்தினரோடு தனது வீட்டிற்கு அழைத்து கட்டியணைத்து பேசியுள்ளார். அப்போது எடுக்கப்பட்ட புகைப்படங்கள் இணையத்தில் வைரலாகி வருகின்றன.

வரதட்சணை கொடுமையால் தற்கொலை செய்து கொண்ட இளம்பெண்: நடிகருக்கு எழுதிய கடிதம் வைரல்!
முன்னதாக நடிகர் கமல்ஹாசன், கனடாவில் வசிக்கும் மூளை புற்றுநோயால் பாதிக்கப்பட்ட தன்னுடைய தீவிர ரசிகரின் விருப்பத்தை கேள்விப்பட்டு அவருடன் வீடியோ காலில் பேசினார் . இந்நிலையில் விஜய் சேதுபதியும் புற்றுநோயால் பாதிக்கபட்ட சிறுவனை சந்தித்து நம்பிக்கையூட்டியுள்ளது, அவரது ரசிகர்கள் மத்தியில் நெகிழ்ச்சியை ஏற்படுத்தியுள்ளது.