தமிழ் சினிமாவில் பிசியான நடிகராக வலம் வருபவர் விஜய் சேதுபதி. தமிழ் மட்டும் இல்லாமல் இந்தி மற்றும் தெலுங்கு மொழி படங்களிலும் பிசியாக நடித்து வருகிறார். திரையிலகில் முன்னணி நடிகராக திகழ்ந்தாலும் கதாநாயகனாகமட்டுமல்லாமல் கதாபாத்திரத்திற்கு முக்கியத்துவம் அளிக்கும் படங்களிலும் தொடர்ச்சியாக நடித்து வருகிறார்.
விஜய் சேதுபதி நடிப்பில் மாமனிதன்,யாதும் ஊரே யாவரும் கேளீர் படங்கள் வெளியாக உள்ளன.இதனிடையில் சூரியை வைத்து வெற்றிமாறன் இயக்கும் 'விடுதலை' படத்திலும் நடித்து முடித்துள்ளார். சன் பிக்சர்ஸ் தயாரிப்பில் பொன்ராம் இயக்கத்தில் ஒரு படத்திலும் நடித்து வருகிறார்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் விஜய் சேதுபதியின் புதிய படத்தை எச். வினோத் இயக்கவுள்ளதாக தகவல்கள் வெளியாகியுள்ளன. சதுரங்க வேட்டை படத்தின் மூலம் இயக்குனராக அறிமுகமான வினோத் தீரன் அதிகாரம் ஒன்று, நேர்கொண்ட பார்வை, வலிமை உள்ளிட்ட படங்களை இயக்கியுள்ளார். தற்போது மூன்றாவது முறையாக ‘ஏகே 61’ படத்தின் மூலம் அஜித்துடன் கை கோர்த்துள்ளார்.
இதன் படப்பிடிப்பு தற்போது ஹைதராபாத்தில் விறுவிறுப்பாக நடைபெற்று வருகிறது. படப்பிடிப்பு ஹைதராபாத்தில் உள்ள ராமோஜிராவ் ஃபிலிம்சிட்டியில் விறுவிறுப்பாக நடைபெற்று வருகிறது. அஜித் நெகட்டிவ் கதாபாத்திரத்தில் நடிக்கவுள்ள இந்தப்படத்தின் திரைக்கதை வங்கி கொள்ளையை சுற்றி அமைக்கப்பட்டுள்ளதாகவும் கூறப்படுகிறது.
இந்நிலையில் வினோத் இயக்கத்தில் விஜய் சேதுபதி நடிக்கவுள்ளதாக வெளியாகியுள்ள தகவல் ரசிகர்கள் மத்தியில் மிகப்பெரிய எதிர்பார்ப்பினை கிளப்பியுள்ளது. நேற்றைய தினம் லோகேஷ் கனகராஜ் இயக்கத்தில் கமல் நடிப்பில் வெளியாகயுள்ள ‘விக்ரம்’ படத்தில் சந்தானம் என்ற வில்லன் கதாபாத்திரத்தில் நடித்துள்ளார் விஜய் சேதுபதி. இந்தப்படம் ரசிகர்கள் மத்தியில் அமோக வரவேற்பினை பெற்று வருவது குறிப்பிடத்தக்கது.