நான்கு மாவட்டங்களில் விஜய் சேதுபதிக்கு மெழுகு சிலை!

சீதக்காதி படத்தில் விஜய் சேதுபதி நடித்துள்ள அய்யா கதாபாத்திரத்தைக் கொண்டு மெழுகு சிலை வடிவமைக்கப்பட்டுள்ளது.

தமிழ் சினிமாவில் முன்னணி நடிகர்களில் ஒருவராக திகழ்பவர் நடிகர் விஜய் சேதுபதி. வருடத்திற்கு 5க்கும் மேற்பட்ட படங்களில் நடித்து வெளியிட்டு வருகிறார். அதோடு, கதாபாத்திரத்திற்கு ஏற்ப தனது நடிப்புத் திறமையை வெளிப்படுத்தக் கூடியவர். அண்மையில், இவரது நடிப்பில் 96 படம் வெளியாகி ரசிகர்களிடையே நல்ல வரவேற்பு பெற்றது. இப்படத்தைத் தொடர்ந்து வரும் 20ம் தேதி சீதக்காதி படம் வெளியாகவுள்ளது. இப்படத்தில் 80 வயது நிரம்பிய முதியவர் வேடத்தில் நடித்துள்ளார். அதன் கதாபாத்திரம் தான் அய்யா ஆதிமூலம்.

Also Read This: Seethakathi: சென்னை வணிக வளாகத்தில் விஜய்சேதுபதிக்கு மெழுகுச் சிலை திறப்பு

இந்த நிலையில், படத்தின் புரோமோஷனுக்காக அய்யாவின் மெழுகு சிலை வடிவமைக்கப்பட்டுள்ளது. இதன் முதல் விளம்பரமாக சென்னை எக்ஸ்பிரஸ் அவென்யூ வணிக வளாகத்தில் சீதக்காதி படத்தில் விஜய்சேதுபதி ஏற்றுள்ள அய்யா கதாபாத்திரன் மெழுகுச்சிலை திறக்கப்பட்டுள்ளது. இந்த விளம்பர நிகழ்ச்சியில் கலந்து கொண்ட இயக்குனர் மகேந்திரன் அய்யா சிலையை திறந்து வைத்தார என்பது குறிப்பிடத்தக்கது.

தொடர்ந்து மேலும், 4 மாவட்டங்களில் அய்யா சிலையை திறந்து வைக்கவும் ஏற்பாடுகள் செய்யப்பட்டுள்ளது. ஆனால், எந்தெந்த மாவட்டங்கள் என்ற தகவல் வரவில்லை.